മലയാളികളുടെ ഇഷ്ടതാരമാണ് മീരാജാസ്മിൻ. വിവാഹത്തിന് ശേഷം സിനിമയിൽ നിന്നും പിൻമാറിയ താരം വർഷങ്ങൾക്ക് ശേഷം സിനിമയിലേക്ക് വീണ്ടും തിരിച്ചെത്തുന്നതിന്റെ സന്തോഷവും ആരാധകർക്ക് ഉണ്ട്. ആറു വർഷത്തെ നീണ്ട ഇടവേളയ്ക്കുശേഷമാണ് ആ തിരിച്ച് വരവ്. സത്യൻ അന്തിക്കാട് സംവിധാനം ചെയ്യുന്ന ‘മകൾ’ എന്ന ചിത്രത്തിലൂടെയാണ് മീര മടങ്ങിയെത്തിയത്. കുറേക്കൂടി ഫാഷണബിളായ മീരയെ ആണ് രണ്ടാം വരവിൽ കാണാനാവുന്നത്. ഇപ്പോഴിതാ മീര പങ്കുവെച്ച ഏറ്റവും പുതിയ ചിത്രമാണ് സോഷ്യല്‍ മീഡിയയില്‍ ചര്‍ച്ചയാകുന്നത്.

കലങ്കാരി ലുക്കില്‍ ലോ നെക്ക് ഫ്രോക്കാണ് താരം ധരിച്ചിരിക്കുന്നത്. ചിത്രങ്ങൾ കണ്ടിട്ട് ആളാകെ മാറിയല്ലോ, എന്നൊക്കെയാണ് പ്രേക്ഷകര്‍ ചോദിക്കുന്നത്. ഒരു കാട്ടു പൂവിനെപ്പോലെ, സൗമ്യവും സ്വതന്ത്രവുമായി എന്നാണ് താരം ചിത്രത്തോടൊപ്പം പങ്കുവെച്ചിരിക്കുന്നത്.

താരത്തിന്റെ ചിത്രങ്ങളില്‍ ആരാധകര്‍ തങ്ങളുടെ സന്തോഷവും സ്‌നേഹവും പങ്കുവെക്കുന്നുണ്ട്. മണിക്കൂറുകള്‍ക്കൊണ്ട് പതിനായിരങ്ങളാണ് മീര പങ്കുവെച്ച ചിത്രത്തിന് പിന്തുണ അറിയിച്ച് എത്തിയിരിക്കുന്നത്. വെറും 47 പോസ്റ്റുകള്‍ മാത്രം പങ്കുവെച്ചിരിക്കുന്ന അക്കൗണ്ട് പിന്തുടരുന്നത് പതിനായിരങ്ങളാണ്. മീര ജാസ്മിന്‍ സിനിമയിലേക്ക് തിരിച്ചെത്തുന്നു എന്ന വാര്‍ത്ത അറിഞ്ഞതോടൊപ്പം താരത്തിന്റെ സോഷ്യല്‍ മീഡിയ വരവും ആരാധകര്‍ ആഘോഷിച്ചിരുന്നു.