അഭിപ്പായങ്ങള്‍ തുറന്നുപറയുന്ന പറയുന്നതിനാൽ തനിക്ക് പല സിനിമകളും നഷ്ടമായി എന്ന് തുറന്നുപറഞ്ഞ് നടി റിമ കല്ലിങ്കൽ.തനിക്ക് സിനിമയില്‍ നിന്ന് കഴിവിനൊത്ത അവസരങ്ങള്‍ ലഭിക്കുന്നില്ല.അഭിനയിക്കാന്‍ സമ്മതം പറയുമെങ്കിലും നിര്‍മാതാക്കളുടെ പച്ചക്കൊടി കിട്ടാത്തതാണ് തന്റെ അവസരങ്ങള്‍ പലപ്പോഴും നഷ്ടമായതിനു കാരണമെന്നും നടി പറയുന്നു. പ്രമുഖ മാസികയ്ക്ക് നൽകിയ അഭിമുഖത്തിലാണ് നടിയുടെ പുതിയ വെളിപ്പെടുത്തൽ.

ഇത്രയും വര്‍ഷത്തിനിടയില്‍ എത്രയോ സംവിധായകരും തിരക്കഥാകൃത്തുക്കളും കഥ പറഞ്ഞു പോയി. അഭിനയിക്കാന്‍ സമ്മതം പറയുമെങ്കിലും നിര്‍മാതാക്കളുടെ പച്ചക്കൊടി കിട്ടില്ല.’അവര്‍ നടിയല്ലല്ലോ, ആക്ടിവിസ്റ്റല്ലേ’ എന്നാണ് ചോദ്യം. ആര്‍ട്ടിസ്റ്റ് എന്ന നിലയ്ക്ക് പല സംവിധായകരുടെ കൂടെ ജോലി ചെയ്യുന്നതാണ് കരിയറിനു നല്ലത്. അതിന് കഴിയുന്നില്ലെന്നും റിമ കൂട്ടിച്ചേര്‍ത്തു.

‘വൈറസ്’ എന്ന ചിത്രത്തിന് ശേഷം അഞ്ച് വര്‍ഷത്തിന് ശേഷമാണ് ഒരു കൊമേഴ്‌സ്യല്‍ സിനിമയില്‍ അഭിനയിക്കുന്നത്. ‘നീലവെളിച്ചം’. ആഷിക് അബു സംവിധാനം ചെയ്യുന്ന സിനിമയാണ്. ഇതിനു മുന്‍പ് ഞാനഭിനയിച്ച ‘വൈറസ്’ ഞാന്‍ തന്നെ നിര്‍മിച്ച പടമാണ്. ഇതിനിടയില്‍ അഭിനയിച്ചത് ‘സന്തോഷത്തിന്റെ ഒന്നാം രഹസ്യം’ എന്ന സിനിമയാണ്. ഒടിടി പ്ലാറ്റ്‌ഫോമില്‍ വന്ന പരീക്ഷണ സിനിമയായിരുന്നു അത്. പക്ഷേ, എനിക്കു വളരെ സംതൃപ്തി നല്‍കിയ ചിത്രമാണ്.‘റിമ കല്ലിങ്കലിനെ ഭര്‍ത്താവ് ആഷിഖ് സംരക്ഷിക്കട്ടെ’ എന്നാണ് ചിലരുടെ നിലപാട് എന്നും താരം പറയുന്നു.

അതേസമയം, അടുത്തിടെ റിമ സമൂഹമാധ്യമങ്ങളിൽ പങ്കുവച്ച ഫൊട്ടോഷൂട്ട് ചിത്രങ്ങളും ഏറെ ശ്രദ്ധ നേടിയിരുന്നു.തന്റെ നിലപാടുകളിലെന്നപോലെ വസ്ത്രത്തിലും ഒരു ബോള്‍ഡ് ലുക്ക് കൊണ്ടുവരുവാന്‍ സാധിച്ചിട്ടുണ്ട്. തന്റെ നിലപാടുകളിലെന്നപോലെ വസ്ത്രത്തിലും ഒരു ബോള്‍ഡ് ലുക്ക് കൊണ്ടുവരുവാന്‍ സാധിച്ചിട്ടുണ്ട്.

കലയെ ധരിക്കുമ്പോള്‍ എന്ന ക്യാപ്ഷനോടെയാണ് താരം ചിത്രങ്ങള്‍ പോസ്റ്റ് ചെയ്തിരിക്കുന്നത്.താരത്തിന്റെ കുറേനാളുകള്‍ക്കുശേഷം ഇറങ്ങിയ പുതിയ ലുക്കിനെ ആരാധകര്‍ ഇരുകൈയ്യും നീട്ടിയാണ് സ്വീകരിച്ചത്. ഇതുപോലെ താരത്തിന്റെ ഫിന്റ്‌നസ്സ് മന്ത്രയും ആരാധകര്‍ ഏറ്റെടുക്കാറുണ്ട്. പലപ്പോഴും താന്‍ വീട്ടില്‍ ചെയ്യുന്ന വര്‍ക്കൗട്ട് വീഡിയോസും പോസ്റ്റ് ചെയ്യാറുണ്ട്.