ഗോപി സുന്ദറും ഗായിക അമൃത സുരേഷും പുതിയ ജീവിതം തുടങ്ങിയിരിക്കുകയാണ്. എന്നാൽ ഗോപി സുന്ദറും അമൃതയും ഒന്നിച്ചുവെന്നറിഞ്ഞപ്പോള്‍ മുതല്‍ ഇവര്‍ക്കെതിരെ രൂക്ഷമായ സൈബര്‍ ആക്രമണങ്ങളും തുടങ്ങിയിരുന്നു. ആശംസകള്‍ അറിയിച്ചതിനൊപ്പമായി സ്വകാര്യ ജീവിതത്തിലെ കാര്യങ്ങള്‍ പറഞ്ഞ് പലരും ഇവരെ വിമര്‍ശിക്കുകയായിരുന്നു. മറ്റുള്ളവരുടെ സ്വകാര്യജീവിതത്തില്‍ ഇടപെടുന്ന ഒരു പണിയും ഇല്ലാത്തവര്‍ക്കായി ഈ പുട്ടും മുട്ടക്കറിയും സമര്‍പ്പിക്കുന്നു എന്ന ക്യാപ്ഷനോടെയായാണ് ഗോപി സുന്ദര്‍ വിമര്‍ശകര്‍ക്ക് മറുപടി നല്‍കിയത്. അമൃതയും പോസ്റ്റ് പങ്കുവെച്ചിരുന്നു. അമൃതയുടേയും ഗോപി സുന്ദറിന്റെയും ചിത്രങ്ങള്‍ പുറത്തുവന്നപ്പോള്‍ വ്യത്യസ്ത തരത്തിലുള്ള പ്രതികരണങ്ങളായിരുന്നു ലഭിച്ചിരുന്നത്. ഇവര്‍ക്ക് ആശംസയുമായി ഒരുവിഭാഗമെത്തിയപ്പോള്‍ മറുവിഭാഗം രൂക്ഷവിമര്‍ശനങ്ങള്‍ ഉന്നയിക്കുകയായിരുന്നു. അമൃതയും ഗോപിയും ഒന്നിച്ചതില്‍ ഇത്രയേറെ അസ്വസ്ഥപ്പെടാനെന്തിരിക്കുന്നുവെന്നായിരുന്നു പലരുടേയും ചോദ്യം.

എന്നാലിപ്പോഴിതാ താനും അമൃതയും വിവാഹിതരായത് സ്ഥിരീകരിച്ച് ഗോപി സുന്ദറെത്തിയിരുന്നു. ഗുരുവായൂര്‍ സന്ദര്‍ശനത്തിനിടയിലായിരുന്നു അദ്ദേഹം വിവാഹത്തെക്കുറിച്ച് പ്രതികരിച്ചതെന്ന് ക്യാന്‍ ചാനല്‍ റിപ്പോര്‍ട്ട് ചെയ്തിട്ടുണ്ട്. വിവാഹം കഴിഞ്ഞുവെന്ന് ഗോപി സുന്ദര്‍ പ്രതികരിച്ചതായാണ് ക്യാം ചാനല്‍ റിപ്പോര്‍ട്ട് ചെയ്തിട്ടുള്ളത്. ഞങ്ങളുടെ വിവാഹം കഴിഞ്ഞു, ഒരുമാസം കൊച്ചിയിലുണ്ടാവും അതുകഴിഞ്ഞ് ഹൈദരാബാദിലേക്ക് പോവുമെന്ന് ഗോപി സുന്ദര്‍ പ്രതികരിച്ചതായായാണ് ക്യാം ചാനല്‍ റിപ്പോര്‍ട്ട് ചെയ്തിട്ടുള്ളത്. ഗുരുവായൂര്‍ സന്ദര്‍ശനത്തിനിടയിലെ വിശേഷങ്ങള്‍ക്കൊപ്പമായാണ് ഗോപി സുന്ദറിന്റെ പ്രതികരണവും പ്രചരിക്കുന്നത്. എന്നാൽ അമൃത സുരേഷും ഗോപി സുന്ദറും വിവാഹിതരായെന്ന തരത്തിലുള്ള വാര്‍ത്തകള്‍ നേരത്തെ തന്നെ പ്രചരിച്ചിരുന്നു. കഴുത്തില്‍ മാലയണിഞ്ഞ് നില്‍ക്കുന്ന ഇവരുടെ ചിത്രം വൈറലായിരുന്നു. പളനി സന്ദര്‍ശനത്തിനിടയിലെ ചിത്രങ്ങളായിരുന്നു പ്രചരിച്ചത്. അന്ന് അമൃതയ്‌ക്കൊപ്പം ഗോപി സുന്ദറുമുണ്ടായിരുന്നു. കൈയ്യില്‍ മാലയുമായി നില്‍ക്കുന്ന ഫോട്ടോയായിരുന്നു അദ്ദേഹം പോസ്റ്റ് ചെയ്തത്.. ഇതോടെയാണ് ഇരുവരും വിവാഹിതരായെന്ന തരത്തിലുള്ള ചര്‍ച്ചകള്‍ സജീവമായത്.