മകനെ സ്‌കൂളിലാക്കാന്‍ നവ്യ നായര്‍ പോയന്നെ മാധ്യമവാര്‍ത്തയ്ക്ക് യുവതിയുടെ മറുപടി
കോവിഡ് എന്ന മഹാമാരിക്ക് ശേഷം മക്കളെ സ്‌കൂളില്‍ അയച്ച തിരക്കിലാണ് ഇന്ന് കേരളത്തിലെ മതാപിതാക്കള്‍. രണ്ടു വര്‍ഷത്തെ കാത്തിരിപ്പിന് ശേഷം സ്‌കൂളില്‍ എത്തിയ സന്തോഷത്തിലാണ് എല്ലാവരും. എന്നാല്‍ സാധാരണ ആളുകളുടെ മക്കളെക്കാള്‍ സെലിബ്രിറ്റികളുടെ മക്കളുടെ ഓരോ വിശേഷവും സോഷ്യല്‍ മീഡിയയില്‍ വാര്‍ത്തയാകാറുണ്ട്.
അത്തരത്തില്‍ ഒരു വാര്‍ത്ത ഇന്നും എത്തിയിരുന്നു. മലയാളികളുടെ പ്രിയ താരമായ നവ്യാനായരാണ് ഇന്നത്തെ വിഷയം. താരം തന്റെ മകന്‍ സായിയെ സ്‌കൂളിലാക്കാന്‍ എത്തിയ ചിത്രമാണ് സോഷ്യല്‍ മീഡിയ വാര്‍ത്തയാക്കിയത്. മകനൊപ്പമുള്ള ചിത്രങ്ങള്‍ നവ്യ തന്നെയാണ് സോഷ്യല്‍ മീഡിയയില്‍ ഷെയര്‍ ചെയ്തത്.
രണ്ടുവര്‍ഷത്തിനു ശേഷം സ്‌കൂളുകള്‍ തുറക്കുന്നു. എല്ലാ കുട്ടികളെയും ദൈവം അനുഗ്രഹിക്കട്ടെ, എന്നും നവ്യ കുറിച്ചു.എന്നാല്‍ ഇത് വാര്‍ത്തയായതോടെ ഒരു യുവതിയുടെ കമന്റും എത്തി. തങ്ങളൊക്കെ മക്കളെ കൊറിയര്‍ ചെയ്യുകയാണ് പതിവെന്നും, ഉച്ചയ്ക്ക് സ്‌കൂളില്‍ നിന്ന് തിരിച്ച് അയക്കുമ്‌ബോള്‍ പോയി ഒപ്പിട്ട് കൈ പറ്റണമെന്നും പരിഹാസമായി യുവതി കമന്റിലൂടെ പ്രതികരിച്ചു.ഈ സംഭവവും സോഷ്യല്‍ മീഡിയ ഏറ്റെടുത്തു.
മകനൊപ്പം കൊച്ചിയിലാണ് നവ്യ ഇപ്പോള്‍ താമസം. ഒരിടവേളയ്ക്ക് ശേഷം സിനിമയില്‍ സജീവമാകുകയാണ് നവ്യ.അഭിനയത്തില്‍ ശ്രദ്ധ കേന്ദ്രീകരിക്കുന്നതിന്റെ ഭാഗമായാണ് നവ്യ കൊച്ചിയിലേക്ക് താമസം മാറ്റിയിരിക്കുന്നത്. ഒരിടവേളയ്ക്ക് ശേഷം നവ്യ നായികയായി എത്തിയ ഒരുത്തി തിയേറ്ററുകളില്‍ മികച്ച പ്രതികരണം നേടിയിരുന്നു.
ശ്രദ്ധേയമായ അഭിനയമാണ് നവ്യ ചിത്രത്തില്‍ കാഴ്ച വച്ചത്. അസാധാരണമായ സാഹചര്യത്തില്‍ പെട്ടുപോവുന്ന ഒരു സ്ത്രീയുടെ അതിജീവനത്തിന്റെയും മനോധൈര്യത്തിന്റെയും കഥയാണ് ഒരുത്തീ പറഞ്ഞത്. വികെ പ്രകാശ് സംവിധാനം ചെയ്ത ചിത്രത്തില്‍ വിനായകന്‍, കെപിഎസി ലളിത, സൈജു കുറുപ്പ്, മുകുന്ദന്‍ തുടങ്ങി പ്രഗത്ഭരായ ഒരു താരനിര തന്നെ അണിനിരന്നിരുന്നു.
https://www.facebook.com/Malayalivartha
