നടി മൈഥിലി വിവാഹിതയായിരിക്കുകയാണ്. പുതിയ ജീവിതത്തിലേക്ക് സന്തോഷത്തോടെ നടി പ്രവേശിച്ചിരിക്കുകയാണ്. ഒരു മാസമാകാറായി വിവാഹം കഴിഞ്ഞിട്ട്. തന്റെ വരനെ താൻ കണ്ടു മുട്ടിയത് എങ്ങനെയെന്ന് മൈഥിലി തുറന്ന് പറഞ്ഞിരിക്കുകയാണ്. സമ്പത്തിനെ പരിചയപ്പെട്ടപ്പോള്‍ നഷ്ടപ്പെടുത്തി കളയാന്‍ തോന്നിയില്ല എന്നാണ് താരം പറഞ്ഞിരിക്കുന്നത്.

സമ്പത്തുമായിട്ട് നല്ല സുഹൃത്തായിരുന്നു. പിന്നെ പ്രണയത്തിലേക്ക് വഴി മാറുകയായിരുന്നു. ഭാഗ്യത്തെ ജീവിതം പലപ്പോഴും തട്ടി കളഞ്ഞിട്ടുണ്ട്. പ്രണയം തോന്നിയ നിമിഷം തന്നെ തീരുമാനിച്ചു. ഇത്രയും സ്‌നേഹിക്കുന്ന ഒരാളെ ഒരിക്കലും വിട്ട് കളയില്ലെന്ന്. നഗരത്തിൽ നിന്നും മാറി ജീവിക്കാനായി സ്ഥലം വാങ്ങണമെന്ന് കരുതി കൊടൈക്കനാലിലേക്ക് പോയി.

അവിടുത്തെ മുന്‍സിഫ് ലോയര്‍ മെന്ററായിരുന്നു. അവിടെ ചെല്ലുമ്പോള്‍ അദ്ദേഹത്തിന്റെ തോട്ടത്തില്‍ ട്രീഹൗസിന്റെ പണി നടക്കുകയായിരുന്നു. അവിടെ ചെന്നപ്പോള്‍ സുന്ദരനായൊരു ചെറുപ്പക്കാരന്‍ നില്‍ക്കുന്നു. സ്വര്‍ഗം പോലെയുള്ള ആ സ്ഥലത്ത് വെച്ചാണ് ഞങ്ങളുടെ പ്രണയം തുടങ്ങിയത്. സ്ഥലം നോക്കാന്‍ സമ്പത്ത് കൂടെ വന്നു.

ആ യാത്രയ്ക്കിടയിൽ സംസാരിച്ച് ഇഷ്ടത്തിലായി. ഒരു ദിവസം പെട്ടെന്ന് നമുക്ക് കല്യാണം കഴിച്ചാലോ എന്ന് സമ്പത്ത് ചോദിച്ചു. അമ്മയോട് കാര്യം പറഞ്ഞു. അപ്പോൾ കേട്ട മറുപടി ഞെട്ടിക്കുന്നതായിരുന്നു. സമ്പത്തിനെ ആദ്യം കണ്ടപ്പോള്‍ തന്നെ ഇതുപോലെ ഒരാളെ മോള്‍ക്ക് കിട്ടിയിരുന്നെങ്കില്‍ എന്ന് ആഗ്രഹിച്ചിരുന്നുവെന്നാണ് അമ്മ പറഞ്ഞത്.

ദൈവം അമ്മയുടെ പ്രാര്‍ഥന കേട്ടിട്ടുണ്ടാവാനാണ് സാധ്യത. അനുഗ്രഹം പോലെയാണ് സമ്പത്ത് ജീവിതത്തിലേക്ക് വന്നത്. തങ്ങളുടെ പ്രണയത്തിന് കാരണമായി മാറിയത് യാത്രകളും പെപ്പറുമാണ് . പെപ്പര്‍ ഇരുവരുടെയും പെറ്റ് ഡോഗാണ്. ഒരിക്കല്‍ സുഹൃത്തായ അങ്കിളിന്റെ കൈയ്യില്‍ നിന്നും വാങ്ങിയതാണ്.

പെട്ടെന്ന് നാട്ടിലേക്ക് തനിക്ക് പോരേണ്ടി വന്നപ്പോള്‍ പെപ്പറിനെ സമ്പത്ത് നോക്കി. ആ വിശേഷങ്ങള്‍ ചോദിക്കാന്‍ പതിവായി തന്നെ വിളിക്കുമായിരുന്നു. അവനെ കാണാനായി ഇടയ്ക്ക് കൊടൈക്കനാലിലേക്ക് പോവുമെന്നും മൈഥിലി പറഞ്ഞു. കുടുംബാംഗങ്ങളുടെയും സുഹൃത്തുക്കളുടെയും സാന്നിധ്യത്തില്‍ ആഘോഷമായി തന്നെയാണ് താരവിവാഹം നടന്നത്.