കുറച്ച് ദിവസങ്ങളായി സോഷ്യൽമീഡിയയിൽ ചർച്ച വിഷയമാണ് അമൃതസുരേഷും ഗോപിസുന്ദറുമായുള്ള റിലേഷൻ. ചിത്രങ്ങള്‍ വൈറലായതിനൊപ്പമായി രൂക്ഷമായ വിമര്‍ശനങ്ങളുമായും ഒരുവിഭാഗമെത്തിയിരുന്നു. ഇപ്പോഴിതാ മകള്‍ക്കും ഗോപി സുന്ദറിനും ഒപ്പം ഗുരുവായൂര്‍ ക്ഷേത്രത്തില്‍ നില്‍ക്കുന്ന അമൃതയുടെ ദൃശ്യങ്ങളും വൈറലായി മാറുകയാണ്. ആരാധകര്‍ ഇവര്‍ക്കൊപ്പം സെല്‍ഫിയെടുക്കുന്നതും സ്റ്റാളുകളിൽ കയറി സാധനങ്ങൾ വാങ്ങുന്ന അമൃതയെയും വീഡിയോയിൽ കാണാം. ഓരോരുത്തരുടെ ക്യാമറയ്ക്ക് മുന്നിലും അമൃതയും മകളും ഗോപി സുന്ദറും പോസ് ചെയ്തു നില്‍ക്കുന്നുണ്ട്. എന്നാൽ ചില സമയങ്ങളിലുള്ള പാപ്പുവിൻ്റെ മാറി നിൽക്കലുകളും മുഖത്തെ സങ്കടഭാവവും ഫോട്ടോയ്ക്ക് പോസ് ചെയ്യാനുള്ള താത്പര്യക്കുറവുമൊക്കെ വീഡിയോയിൽ ശ്രദ്ധിക്കപ്പെട്ടു. ഇതോടെ സോഷ്യൽ മീഡിയയിൽ കമന്റുകൾ കൊണ്ട് നിറഞ്ഞു.

ആ കുഞ്ഞിനെ ഒഴിവാക്കുന്നത് ഇപ്പോഴേ കഷ്ടം. ആ കുഞ്ഞു ഒഴിഞ്ഞു മാറി നിൽക്കുന്നത് കണ്ടപ്പോൾ സങ്കടം തോന്നി, അമ്മയുടെയും മകളുടെയും ഇടയിൽ മറ്റൊരാൾ കടന്ന് വരുമ്പോൾ അമ്മയും മകളും തമ്മിലുള്ള അകലം കൂടും,.. എന്നിങ്ങനെ പോകുന്നു കമന്റുകൾ. ഗോപി സുന്ദറും അമൃത സുരേഷും അടുത്തിടെയാണ് തങ്ങളുടെ പ്രണയം പരസ്യമാക്കിയത്. പിന്നിട്ട കാതങ്ങള്‍ മനസില്‍ കുറിച്ച് അനുഭവങ്ങളുടെ കനല്‍വരമ്പു കടന്ന് കാലവും കാറ്റും പുതിയ വഴികളിലേക്ക് എന്നായിരുന്നു ചിത്രത്തിന്റെ ക്യാപ്ഷന്‍.

2001 ല്‍ ആണ് പ്രിയയും ഗോപി സുന്ദറും തമ്മിലുള്ള വിവാഹം നടന്നത്. രണ്ട് ആണ്‍ മക്കളും ഈ ബന്ധത്തിലുണ്ട്. പ്രിയയുമായുള്ള ദാമ്പത്യ ജീവിതത്തിന് ഇടയിലാണ് അഭയ ഹിരണ്‍മയിയുമായി ഗോപി സുന്ദര്‍ പ്രണയത്തിലാവുന്നത്. തുടര്‍ന്ന് ലിവിങ് റിലേഷനും ആരംഭിയ്ക്കുകയായിരുന്നു. 3 വര്‍ഷം മുന്‍പായിരുന്നു അഭയ ഗോപി സുന്ദറിനൊപ്പമുള്ള ലിവിങ് റ്റുഗദര്‍ ജീവിതം പരസ്യമാക്കിയത്. പൊതുപരിപാടികളിലും റിയാലിറ്റി ഷോകളിലുമെല്ലാം ഇവര്‍ ഒന്നിച്ചെത്താറുണ്ടായിരുന്നു. വിവാഹ മോചനം ഇപ്പോഴും കോടതി പരഗണനയില്‍ ഇരിക്കവെ അഭയയുമായി വേര്‍പിരിഞ്ഞ ഗോപി സുന്ദര്‍ അമൃതയുമായി അടുക്കുകയായിരുന്നു. നടന്‍ ബാലയാണ് അമൃതയുടെ ആദ്യ ഭര്‍ത്താവ്. ഐഡിയ സ്റ്റാര്‍ സിംഗര്‍ മത്സരാര്‍ത്ഥിയായിരുന്ന അമൃതയും നടന്‍ ബാലയും പ്രണയിച്ച് വിവാഹിതരാകുകയായിരുന്നു. ആ ബന്ധത്തില്‍ ഒരു മകളും ഉണ്ട്. അമൃതയുമായുള്ള വിവാഹ മോചനത്തിന് ശേഷം ബാല എലിസബത്തിനെ വിവാഹം ചെയ്യുകയും ചെയ്തു.