അമിതാഭ് ബച്ചനും ജയയ്ക്കും ഇന്ന് 49-ാം വിവാഹ വാർഷികം . താരങ്ങൾ വിവാഹിതരാകുന്നത് 1973 ജൂണ്‍ മൂന്നിനാണ്. ഇപ്പോഴിതാ സാമൂഹ്യ മാധ്യമത്തിൽ തങ്ങളുടെ വിവാഹ ദിവസത്തിലെ ചില ചിത്രങ്ങൾ പങ്കുവച്ചിരിക്കുകയാണ് അമിതാഭ് ബച്ചൻ. "ഞങ്ങളുടെ വാർഷികത്തിൽ നിങ്ങളുടെ എല്ലാ ആശംസകൾക്കും നന്ദി" എന്ന കുറിപ്പോടെയാണ് ബിഗ്ബി ചിത്രങ്ങൾ പങ്കുവച്ചത്. സാമൂഹ്യ മാധ്യമങ്ങളിൽ ആരാധകർ ഇരുവരോടുമുള്ള സ്നേഹം അറിയിക്കുകയാണ്. മാതാപിതാക്കളെ വിവാഹ വാര്‍ഷിക ആശംസ അറിയിച്ച് അഭിഷേക് ബച്ചനും ഐശ്വര്യ റായും രംഗത്തെത്തി. മറ്റ് താരങ്ങളിൽ നിന്നും ആരാധകരിൽ നിന്നും അഭിനന്ദന സന്ദേശ പ്രവാഹമാണ് പോസ്റ്റിന് താഴെ. അമിതാഭ് ബച്ചനെ പദ്‍മവിഭൂഷണ്‍ നല്‍കിയും ജയ ബച്ചനെ പദ്‍മശ്രീ നല്‍കിയും രാജ്യം ആദരിച്ചിട്ടുണ്ട്. അഭിഷേക് ബച്ചനും ശ്വേതാ ബച്ചനുമാണ് അമിതാഭ് ബച്ചൻ- ജയ ബച്ചൻ ദമ്പതിമാരുടെ മക്കള്‍.