ജീവിതത്തിൽ സംഭവിച്ച ഒരു പ്രണയത്തെ കുറിച്ച് ഗായകൻ എം ജി ശ്രീകുമാർ പറഞ്ഞ കാര്യം ശ്രദ്ധേയമാകുകയാണ്. കേരള സ്റ്റേറ്റ് കണ്‍സ്ട്രക്ഷന്‍ കോര്‍പറേഷനില്‍ ജോലി ചെയ്യുമ്പോൾ കിട്ടിയിരുന്ന ശമ്പളം അഞ്ഞൂറ് രൂപയാണെന്ന് എം.ജി ശ്രീകുമാര്‍ വ്യക്തമാക്കി. അപ്പോൾ ഒരു പെണ്‍കുട്ടിയെ സ്‌നേഹിച്ചിരുന്നു.

പക്ഷേ എന്റെ മോളെ നല്ല രീതിയില്‍ വളര്‍ത്താനുള്ള എന്താണ് നിന്റെ കയ്യില്‍ ഉള്ളത് എന്നായിരുന്നു പെണ്ണിന്റെ അച്ഛനും അമ്മയും ചോദിച്ചത്. ആകപ്പാടെ അന്ന് ഒരു സിനിമയില്‍ എങ്ങാണ്ടോ പാടി. അത് മാത്രമേ ഉള്ളൂ. അതുകൊണ്ട് എന്തോ ചെയ്യാനാ എന്നൊക്കെ ചോദിച്ച് അവര്‍ തന്നെ തളര്‍ത്തി. ഇതോടെ താന്‍ എല്ലാം അവസാനിപ്പിച്ചുവെന്നും അദ്ദേഹം പറഞ്ഞു.

ബിഗ് ബോസ് സീസണ്‍ ഒന്നിലെ മത്സരാര്‍ത്ഥിയായിരുന്ന ഷിയാസ് കരീമുമായി ഒരു ഷോയിൽ സംസാരിക്കുമ്പോഴായിരുന്നു അദ്ദേഹം ഈ കാര്യം വെളിപ്പെടുത്തിയത്. തനിയ്ക്ക് ഒരു കാമുകിയുണ്ടായിരുന്നു എന്നും വിവാഹാലോചനയുമായി പെണ്‍കുട്ടിയുടെ വീട്ടില്‍ പോയിരുന്നു .. തനിയ്ക്ക് ജോലിയില്ലെന്നും രക്ഷപ്പെടുമെന്ന് ഉറപ്പില്ലെന്നുമൊക്കെയുള്ള കാരണങ്ങള്‍ പറഞ്ഞ് പെണ്‍കുട്ടിയുടെ അച്ഛന്‍ ഷിയാസിനെ മടക്കി അയച്ചു. ഇത് പറഞ്ഞപ്പോഴാണ് എം ജി ശ്രീകുമാർ തന്റെ അനുഭവം പറഞ്ഞത്.