കമൽഹാസൻ, വിജയ് സേതുപതി, ഫഹദ് ഫാസിൽ എന്നിവർ ഒന്നിക്കുന്ന ബിഗ് ബജറ്റ് ചിത്രം ‘വിക്രം’ മികച്ച വിജയത്തോടെ മുന്നേറിക്കൊണ്ടിരിക്കുകയാണ്. ചിത്രത്തിൽ ഏവരുടെയും ആകാംക്ഷകളിൽ ഒന്നായിരുന്നു സൂര്യയുടെ എൻട്രി. ചിത്രത്തിൽ സൂര്യ ഉണ്ട് എന്ന് പുറത്തു വന്ന വാർത്തകൾക്ക് കൂടി വിരാമം കുറിച്ചുകൊണ്ടാണ് കഴിഞ്ഞ ദിവസം തിയേറ്ററിൽ താരത്തിന്റെ ക്‌ളൈമാക്‌സ് മാസ് സീൻ. ഇപ്പോൾ ചിത്രത്തിന്റെ ഭാഗമായതിന്റെ സന്തോഷം പങ്കുവയ്ക്കുകയാണ് സൂര്യ. ട്വിറ്ററിലൂടെയാണ് താരം കമൽ ഹാസനും ലോകേഷ് കനകരാജിനും നന്ദി അറിയിച്ചുകൊണ്ട് സന്തോഷം പങ്കുവെച്ചത്.

പ്രിയപ്പെട്ട കമൽ ഹാസൻ അണ്ണാ, എങ്ങനെയാണ് ഞാൻ പറയേണ്ടത്? നിങ്ങളോടൊപ്പം സ്‌ക്രീനിൽ എത്തുക എന്നത് ഒരു സ്വപ്ന സാക്ഷാത്കാരമാണ്. ഇത് സാധ്യമാക്കിയതിന് നന്ദി സംവിധായകൻ ലോകേഷ്. എല്ലാവരുടെയും സ്നേഹം കണ്ടതിൽ ഹൃദയം നിറഞ്ഞു.ചിത്രം തമിഴ് നാട്ടിൽ റെക്കോർഡ് ബോക്സ് ഓഫീസ് നേട്ടത്തിലേക്കാണ് കടക്കുന്നത്. കേരളത്തിൽ മാത്രം ചിത്രം 5 കൊടിയും പിന്നിട്ടപ്പോൾ തമിഴ് നാട്ടിൽ അത് 32 കോടിയും മറികടന്നിരിക്കുകയാണ്. ലോകേഷ് കനകരാജ് ചിത്രങ്ങളുടെ പട്ടികയിൽ ഒരു പൊൻതൂവൽ കൂടിയാണ് വിക്രം എന്നാണ് പ്രേക്ഷക പ്രതികരണം. മാസ് ആക്ഷന്‍ ജോണറില്‍ പുറത്ത് വന്ന ചിത്രത്തില്‍ കമല്‍ ഹാസനെ കൂടാതെ ഫഹദ് ഫാസില്‍, സൂര്യ, വിജയ് സേതുപതി എന്നിവരുടെ പ്രകടനവും തിയേറ്ററിൽ ആവേശം നിറയ്ക്കുന്നതാണ്.