പരിസ്ഥിതി ദിനത്തില് നടക്കുന്ന തൈ നടല് പരിപാടികള്ക്ക് തുടര്ച്ചയുണ്ടാകണം! നടുന്ന തൈകളെ സംരക്ഷിച്ച് വളര്ത്തേണ്ടത് നമ്മുടെ ഉത്തരവാദിത്തമാണെന്ന് മമ്മൂട്ടി
പരിസ്ഥിതി ദിനത്തോടനുബന്ധിച്ച് മുഖ്യമന്ത്രി പിണറായി വിജയന് വൃക്ഷത്തൈ നട്ടു. കേരള വനം വന്യജീവി വകുപ്പിന്റെ ആഭിമുഖ്യത്തില് വൃക്ഷ സമൃദ്ധി പദ്ധതിയുടെ സംസ്ഥാനതല ഉദ്ഘാടനം പിണറായി കണ്വെന്ഷന് സെന്ററില് മുഖ്യമന്ത്രി നിര്വ്വഹിച്ചു. പ്രകൃതിയെ മെച്ചപ്പെട്ട നിലയില് വരുംതലമുറകള്ക്കു കൈമാറാനുള്ള ഉത്തരവാദിത്തം ഓരോരുത്തര്ക്കുമുണ്ട്: മുഖ്യമന്ത്രി പ്രകൃതിയെ നമുക്കു ലഭിച്ചതിനേക്കാള് മെച്ചപ്പെട്ട നിലയില് വരുംതലമുറകള്ക്കു കൈമാറാനുള്ള ഉത്തരവാദിത്തം ഓരോരുത്തര്ക്കുമുണ്ട് എന്ന ഓര്മ്മപ്പെടുത്തലാണ് പരിസ്ഥിതി ദിനമെന്ന് മുഖ്യമന്ത്രി പിണറായി വിജയന് പറഞ്ഞു.അതേസമയം പരിസ്ഥിതി നമ്മെ സംരക്ഷിക്കുന്നതു പോലെ നാം പരിസ്ഥിതിയെയും സംരക്ഷിക്കണമെന്ന് നടന് മമ്മൂട്ടിയും പറഞ്ഞു. പരിസ്ഥിതി ദിനത്തില് നടക്കുന്ന തൈ നടല് പരിപാടികള്ക്ക് തുടര്ച്ചയുണ്ടാകണമെന്നും നടുന്ന തൈകളെ സംരക്ഷിച്ച് വളര്ത്തേണ്ടത് നമ്മുടെ ഉത്തരവാദിത്തമാണെന്നും അദ്ദേഹം പറഞ്ഞു. സംസ്ഥാന കൃഷി വകുപ്പിന്റെ ഒരു കോടി ഫലവൃക്ഷത്തൈ വിതരണ പരിപാടി ‘ഞങ്ങളും കൃഷിയിലേക്ക്’ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
https://www.facebook.com/Malayalivartha
