ബിഗ് ബോസിലെ യഥാര്ത്ഥ വിജയി റോബിന്! വിമാനത്താവളത്തില് ചെന്ന് ഈ 'റിയല് ബിഗ് ബോസിനെ' ഹാരമണിയിച്ച് സ്വീകരിക്കാന് എനിക്ക് കഴിയാതെ പോയതില് ഖേദമുണ്ട്; ബിഗ് ബോസ് സീസണ് 4ല് നിന്നും പുറത്താക്കപ്പെട്ട റോബിനെ പിന്തുണച്ച് നടന് ഷമ്മി തിലകന്
കുറച്ച് ദിവസങ്ങളായി ബിഗ് ബോസില് നാടകീയ മൂഹൂര്ത്തങ്ങളാണ് അരങ്ങേറിയിരുന്നത്. ബിഗ് ബോസില് നിന്നും പുറത്തായ റോബിന് വിമാനത്താവളത്തില് വന്നിറങ്ങുന്നതിന്റെ ചിത്രങ്ങളും വീഡിയോകളും സാമൂഹിക മാധ്യമങ്ങളില് വൈറലായിരുന്നു. 'റോബിന് ആര്മി' ഉള്പ്പെടെ നിരവധി ആരാധകരാണിപ്പോള് റോബിനുള്ളത്. ബിഗ്ബോസ് സീസണ്4 ന്റെ ടൈറ്റില് വിന്നര് റോബിന് ആയിരിക്കുമെന്ന് ഒരു വിഭാഗം ആളുകള് ഉറച്ച വിശ്വാസത്തിലിരിക്കുമ്പോഴായിരുന്നു റോബിന്റെ അപ്രതീക്ഷിത പുറത്താകല്.
ഇപ്പോഴിതാ ബിഗ് ബോസ് സീസണ് 4ല് നിന്നും പുറത്താക്കപ്പെട്ട റോബിനെ പിന്തുണച്ച് നടന് ഷമ്മി തിലകന് രംഗത്ത് എത്തിയിരിക്കുകയാണ്. ബിഗ് ബോസിലെ യഥാര്ത്ഥ വിജയ് റോബിന് ആണെന്നും വിമാനത്താവളത്തില് എത്തിയ റോബിനെ മാലയിട്ട് സ്വീകരിക്കാാത്തതില് ഖേദമുണ്ടെന്നും ഷമ്മി തിലകന് ഫേസ്ബുക്കില് കുറിച്ചു.'ബിഗ് ബോസ് സീസണ്4 ലെ യഥാര്ത്ഥ വിജയി ഡോ.റോബിന് വിജയാശംസകള്. വിമാനത്താവളത്തില് ചെന്ന് ഈ 'റിയല് ബിഗ് ബോസിനെ' ഹാരമണിയിച്ച് സ്വീകരിക്കാന് എനിക്ക് കഴിയാതെ പോയതില് ഖേദമുണ്ടെന്നും ഷമ്മി തിലകന് കുറിച്ചു.
ഷോയുടെ ഭാഗമായുണ്ടായ ടാസ്കിനിടെയില് റോബിന് മറ്റൊരു മത്സരാര്ത്ഥിയായ റിയാസിനെ ശാരീരികമായി ഉപദ്രവിച്ചുവെന്നായിരുന്നു പരാതി. തുടര്ന്ന് റോബിനെ സീക്രട്ട് മുറിയില് പ്രവേശിപ്പിച്ചു. പിന്നീട് മത്സരത്തില് തിരിച്ചു പങ്കെടുപ്പിക്കാന് ബിഗ് ബോസ് തീരുമാനിക്കുകയും ചെയ്തതോടെയാണ് രംഗം വഷളായത്. റോബിന്റെ മടങ്ങി വരവില് പ്രതിഷേധിച്ച് മറ്റൊരു മത്സരാര്ത്ഥിയായ ജാസ്മിന് മൂസ സ്വന്തം ഇഷ്ടപ്രാകാരം ഇറങ്ങി പോവുകയായിരുന്നു. തുടര്ന്ന് റോബിനെ പരിപാടിയില് നിന്നും പുറത്താക്കുകയായിരുന്നു.
https://www.facebook.com/Malayalivartha
