റോബിനും ദില്‍ഷയും പ്രണയത്തിലാണ് എന്ന തരത്തില്‍ ബിഗ്ഗ് ബോസിന് അകത്തും പുറത്തും സംസാരമുണ്ടായിരുന്നു. എന്നാല്‍ റോബിന്‍ തന്റെ ഉറ്റ സുഹൃത്ത് ആണ് എന്ന പറച്ചിലില്‍ ഉറച്ചു നില്‍ക്കുകയായിരുന്നു ദില്‍ഷ. എന്നാല്‍ അതിനപ്പുറം ഒരു ബന്ധം ദില്‍ഷയും റോബിനും തമ്മില്‍ ഉണ്ട് എന്നതിന് ഏറ്റവും ഒടുവിലത്തെ തെളിവാണ് ഇപ്പോൾ സംഭവിച്ച് കൊണ്ടിരിക്കുന്നത്.

റോബിൻ വീട്ടിൽ നിന്നും പോയതിന് പിന്നാലെ ദില്‍ഷ റോബിനെ കാണാന്‍ സാധിക്കാത്തതിലുള്ള സങ്കടം പറഞ്ഞാണ് നടക്കുന്നത്. എത്രയും വേഗം വീട്ടിലേക്ക് തിരിച്ച് വരണം എന്നും എനിക്ക് നിങ്ങളെ വല്ലാതെ മിസ് ചെയ്യുന്നുണ്ടെന്നും ദില്‍ഷ പറയുകയാണ്. ദില്‍ഷയുടെ വാക്കുകളില്‍ വല്ലാത്ത നിരാശയും സങ്കടവും കാണാന്‍ കഴിയും. ബ്ലെസ്ലിയും ലക്ഷ്മിപ്രിയയും ഇരിക്കുന്നിടത്തുവെച്ചാണ് ദില്‍ഷ ഡോക്ടറെ കാണാന്‍ സാധിക്കാത്തതിലുള്ള സങ്കടം പറയുന്നത്. ഇത് വളരെ വ്യക്തമായി പ്രേക്ഷകരും ശ്രദ്ധിച്ചു. ഇടയ്ക്കിടയ്ക്ക് ദില്‍ഷ ഇക്കാര്യം പറയുന്നുമുണ്ട്. എന്നാല്‍ ഇത് സൗഹൃദമല്ല, അതിനും അപ്പുറത്ത് പ്രണയമാണെന്നാണ് പ്രേക്ഷകര്‍ പറയുന്നത്.

റോബിനെ ശിക്ഷിക്കുന്നതിന്റെ ഭാഗമായി ഒറ്റയ്ക്ക് സീക്രട്ട് റൂമില്‍ പൂട്ടിയിട്ടിരുന്ന സമയത്ത് വലിയ ഒറ്റപ്പെടലാണ് റോബിനും അനുഭവിക്കേണ്ടിവന്നത്. അപ്പോഴും റോബിന്‍ ആഗ്രഹിച്ചത് ദില്‍ഷയെ കാണാനാണ്. 'എനിക്കൊരു സഹായം ചെയ്യാമോ. ഒരൊറ്റ പ്രാവശ്യം എനിക്ക് ദില്‍ഷയെ ഒന്ന് കാണിച്ച് തരാമോ. വല്ലാതെ മിസ്സ് ചെയ്യുന്നു. ഒറ്റ പ്രാവശ്യം ഒന്ന് കണ്ടാല്‍ മതി. ഇത്രയും ദിവസം ഒരു വീട്ടില്‍ ഒരുമിച്ച് കഴിഞ്ഞതല്ലേ. മറ്റാരെയും വേണ്ട, ദില്‍ഷയെ മാത്രം ഒന്ന് കണ്ടാല്‍ മതി. പറ്റുമെങ്കില്‍ ഒറ്റ പ്രാവശ്യം കാണിച്ചു തരാമോ. അപേക്ഷയാണ്' എന്നാണ് റോബിന്‍ ബിഗ്ഗ് ബോസിനോട് ആവശ്യപ്പെട്ടത്.