കുറച്ച് ദിവസങ്ങളായി ബിഗ് ബോസില്‍ നാടകീയ മൂഹൂര്‍ത്തങ്ങളാണ് അരങ്ങേറിയിരുന്നത്. ബിഗ് ബോസില്‍ നിന്നും പുറത്തായ റോബിന്‍ വിമാനത്താവളത്തില്‍ വന്നിറങ്ങുന്നതിന്റെ ചിത്രങ്ങളും വീഡിയോകളും സാമൂഹിക മാധ്യമങ്ങളില്‍ വൈറലായിരുന്നു. 'റോബിന്‍ ആര്‍മി' ഉള്‍പ്പെടെ നിരവധി ആരാധകരാണിപ്പോള്‍ റോബിനുള്ളത്. ബിഗ്‌ബോസ് സീസണ്‍4 ന്റെ ടൈറ്റില്‍ വിന്നര്‍ റോബിന്‍ ആയിരിക്കുമെന്ന് ഒരു വിഭാഗം ആളുകള്‍ ഉറച്ച വിശ്വാസത്തിലിരിക്കുമ്പോഴായിരുന്നു റോബിന്റെ അപ്രതീക്ഷിത പുറത്താകല്‍. എന്നാൽ പുറത്തെത്തിയ റോബിൻ പിന്തുണയ്ക്കുകയാണ് ആരാധകരും താരങ്ങളും.  ഇപ്പോഴിതാ, റോബിനെ പുകഴ്ത്തി രംഗത്തെത്തിയിരിക്കുകയാണ് നടി ഗായത്രി സുരേഷ്. മലയാളം ബിഗ് ബോസിലെ ഏറ്റവും മികച്ച മത്സരാർത്ഥിയാണ് റോബിനെന്ന് ഗായത്രി പറയുന്നു. ഇൻസ്റ്റഗ്രാം പോസ്റ്റിലൂടെയായിരുന്നു താരത്തിന്റെ പ്രതികരണം. ‘എൻറെ അഭിപ്രായത്തിൽ ഡോക്ടർ റോബിൻ രാധാകൃഷ്ണനാണ് മലയാളം ബിഗ് ബോസ് ചരിത്രത്തിലെ ഏറ്റവും മികച്ച മത്സരാർഥി. ഒട്ടും ടോക്സിക് അല്ല. ഏറ്റവും കൂടുതൽ പോസിറ്റിവിറ്റി ഉള്ള ആൾ. ഇദ്ദേഹം ഫേക്ക് ആണെന്ന് എനിക്ക് ഒരിക്കൽ പോലും തോന്നിയിട്ടില്ല. പലതരത്തിലുള്ള പ്രകോപനങ്ങൾ ഉണ്ടായിട്ടും ഇദ്ദേഹം വളരെ മികച്ച രീതിയിൽ അത് കൈകാര്യം ചെയ്തു. ഒരു തവണ പോലും പരിധിവിട്ട് പെരുമാറിയിട്ടില്ല. വിവരവും ബുദ്ധിയും ഉള്ള ആളുകൾ എപ്പോഴും ഇങ്ങനെ ആയിരിക്കും. അവർ ഒരിക്കലും അവരുടെ ആറ്റിറ്റ്യൂഡ് വിട്ട് കളിക്കുകയില്ലെന്നും ഗായത്രി സുരേഷ് കുറിച്ചു.