സത്യരാജ് എന്ന നടനെ അറിയാത്ത ആരും ഉണ്ടാകില്ല. എസ്എസ് രാജമൗലിയുടെ ഇതിഹാസമായ ബാഹുബലിയിലെ കട്ടപ്പയെ ആര് മറക്കാനാണ്. രോഹിത് ഷെട്ടി സംവിധാനം ചെയ്ത ചിത്രമാണ് സത്യരാജിന്റെ ബോളിവുഡിലെ അരങ്ങേറ്റം. ഷാരൂഖ് ഖാന്‍ദീപിക പദുക്കോണിന്റെ 2013 ലെ ചെന്നൈ എക്‌സ്പ്രസ് എന്ന സിനിമയിരുന്നു അത്.

ഒരു പ്രാദേശിക മാഫിയയുടെ ശക്തനായ തലവന്‍ കൂടിയായ ദീപികയുടെ പിതാവ് ദുര്‍ഗേഷ് അഴഗുസുന്ദരത്തിന്റെ വേഷമാണ് അദ്ദേഹം ചിത്രത്തില്‍ അവതരിപ്പിച്ചത്. അടുത്തിടെ നടത്തിയ ഒരു സംഭാഷണത്തിലാണ് സത്യരാജ് ഈ സിനിമയെക്കുറിച്ച് തുറന്ന് പറഞ്ഞത്.

തന്റെ വേഷം മികച്ചതല്ലെന്ന് അറിഞ്ഞിട്ടും ഷാരൂഖ് ഖാന് വേണ്ടി മാത്രമാണ് താന്‍ ചെന്നൈ എക്‌സ്പ്രസ് ചെയ്തതെന്ന് മുതിര്‍ന്ന നടന്‍ സമ്മതിച്ചു. 'ചെന്നൈ എക്‌സ്പ്രസിനായി നിര്‍മ്മാതാക്കള്‍ എന്നെ സമീപിച്ചപ്പോള്‍, കഥ കേട്ടപ്പോള്‍ എനിക്കിത് അത്ര മികച്ച വേഷമല്ലെന്ന് തോന്നി. ഞാന്‍ ഇത് സംവിധായകന്‍ രോഹിത് ഷെട്ടിയോട് പറഞ്ഞു. എന്നാല്‍ നായകനെ അറിഞ്ഞപ്പോള്‍ ഞാന്‍ ആ സിനിമ ചെയ്തു.

കാരണം എനിക്ക് ഷാരൂഖിനെ വളരെ ഇഷ്ടമാണ്. ഷാരൂഖിന്റെ അഭിനയം എനിക്ക് ഒരുപാട് ഇഷ്ടമാണ്. അദ്ദേഹത്തിന്റെ 'ഡിഡിഎല്‍ജെ' പോലുള്ള നിരവധി സിനിമകള്‍ വളരെ നന്നായി ചെയ്തു. 2013ല്‍ പുറത്തിറങ്ങിയ ചെന്നൈ എക്‌സ്പ്രസ് ബോക്‌സ് ഓഫീസില്‍ വന്‍ ഹിറ്റായിരുന്നു, കൂടാതെ 227.13 കോടി രൂപ ആജീവനാന്ത കളക്ഷന്‍ നേടി.