റോബിനും ദില്‍ഷയും പ്രണയത്തിലാണ് എന്ന തരത്തില്‍ ബിഗ്ഗ് ബോസിന് അകത്തും പുറത്തും സംസാരമുണ്ടായിരുന്നു. എന്നാല്‍ റോബിന്‍ തന്റെ ഉറ്റ സുഹൃത്ത് ആണ് എന്ന പറച്ചിലില്‍ ഉറച്ചു നില്‍ക്കുകയായിരുന്നു ദില്‍ഷ. എന്നാൽ റോബിൻ ബിഗ്‌ബോസ് വീട്ടിൽ നിന്നും പോയതോടെ ആകെ വിഷമത്തിലാണ് ദില്‍ഷ. എന്നാൽ പുറത്ത് വന്ന റോബിൻ പറയുന്നത് ഇങ്ങനെയാണ്.. ഗെയിമിന് ശേഷവും ഞങ്ങളുടെ ഉള്ളില്‍ ആ സ്‌നേഹം ഉണ്ടെങ്കില്‍ ബന്ധം മുന്നോട്ട് പോകും.

പ്രണയം എന്നാല്‍ വല്ലാത്ത ഒരു വികാരമാണ്. അമൂല്യമാണ്. അത് ഒരു ഗെയിമിന് വേണ്ടിയോ, ഗെയിമിന്റെ ഭാഗമായോ എടുക്കാന്‍ വ്യക്തിപരമായി എനിക്ക് കഴിയില്ല. അതേ പോലെ തന്നെയാണ് ദില്‍ഷ എന്ന വ്യക്തിക്കും. സീരിയസ് ആയിട്ട് കാണുന്ന ആള്‍ക്കാള്‍, സീരിയസ് ആണ് എന്ന് ഉണ്ടെങ്കില്‍ അത് ഈ ഗെയിം എല്ലാം കഴിഞ്ഞ ശേഷം, അപ്പോഴും അങ്ങനെ ഒരു ഇഷ്ടം ഉണ്ട് എങ്കില്‍ വളരെ പക്വതയോടെ അച്ഛനെയും അമ്മയെയും എല്ലാം അറിയിച്ച് തീരുമാനിക്കാവുന്നതാണ്. ദില്‍ഷ എന്ന കുട്ടി ഭയങ്കര പാവമാണ്. ആരെയും ദ്രോഹിക്കണം എന്ന വിചാരമൊന്നും ഇല്ല. ഒരാള്‍ നശിച്ച് പോകണം എന്നൊന്നും ഒരിക്കലും വിചാരിക്കില്ല. എല്ലാവരുടെ അടുത്തും സത്യസന്ധമാണ്. എല്ലാവരെയും ഹെല്‍പ് ചെയ്യണം, എല്ലാവരും നന്നാവണം എന്നൊക്കെ ആഗ്രഹിക്കുന്ന ആളാണ്. ഒരു തെറ്റ് കണ്ടാല്‍ അത് പറഞ്ഞ് മനസ്സിലാക്കി കൊടുക്കാനും ശ്രമിയ്ക്കും. ഇപ്പോഴത്തെ കാലത്ത് ഇതെല്ലാം ഒരുമിച്ച് ഉള്ള ഒരാളെ കണ്ടുകിട്ടുക എന്നത് തന്നെ പ്രയാസമാണ്. പോയപ്പോള്‍ മുതല്‍ എനിക്ക് ദില്‍ഷയോട് ഒരു ഇഷ്ടം ഉണ്ടായിരുന്നു. ഫ്രണ്ട് എന്ന നിലയില്‍ ഇപ്പോഴും ആ ഇഷ്ടം ഉണ്ട്.

ദില്‍ഷ പറയുന്നത് പോലെ ഒരാളെ മനസ്സിലാക്കാനും അടുത്തറിയാനും കുറച്ച് മാസങ്ങള്‍ എങ്കിലും പരസ്പരം അറിയുകയും അടുക്കുകയും വേണം. അങ്ങനെ നോക്കുകയാണ് എങ്കില്‍ ഇത്രയും ദിവസം ഞങ്ങള്‍ ഒരുമിച്ച് ഒരു വീട്ടിലായിരുന്നു. മറ്റൊരു തരത്തിലുള്ള ലിവിങ് ടുഗെര്‍ എന്ന് തന്നെ പറയാം. ഇനി എന്താണ് സംഭവിയ്ക്കുക എന്നത് വരുന്നത് പോലെ ഇരിയ്ക്കും. ഈ ബന്ധം മുന്നോട്ട് കൊണ്ടു പോകുക എന്നത് അത്ര വലിയആനക്കാര്യം ഒന്നുമല്ല. അത് വേണം എന്ന് നമുക്ക് തോന്നുന്നുണ്ട് എങ്കില്‍ ആ വഴിയെ നമ്മള്‍ എത്തും. കിട്ടേണ്ടതാണ് എന്നുണ്ട് എങ്കില്‍ അത് കിട്ടുകയും ചെയ്യും.

ദൈവം വിധിച്ചത് ആണെങ്കില്‍ ദൈവം തന്നെ അത് കൊണ്ടുതരും. എന്നെ ആ വീട്ടില്‍ ഏറ്റവും അധികം കംഫര്‍ട്ട് ആക്കിയിട്ടുള്ള ആളാണ് ദില്‍ഷ. ആ സീക്രട്ട് റൂമില്‍ അഞ്ച് ദിവസം ഞാന്‍ നിന്നത്, പുറത്ത് ഇറങ്ങുമ്പോള്‍ ദില്‍ഷയെ കാണാം എന്ന പ്രതീക്ഷയില്‍ ആയിരുന്നു. അപ്പോഴുള്ള മാനസിക സമ്മര്‍ദ്ദത്തിന് ഇടയിലും എനിക്ക് ആശ്വാസമായത് ദില്‍ഷയെ കുറിച്ചുള്ള കാര്യങ്ങളാണ്. അപ്പോള്‍ ദില്‍ഷയെ കാണണം എന്ന് ആ റൂമില്‍ വച്ച് പറഞ്ഞതില്‍ ഇപ്പോള്‍ ചിന്തിക്കുമ്പോഴും, വേണ്ടായിരുന്നു എന്ന് തോന്നുന്നില്ലെന്നും റോബിന്‍ പറഞ്ഞു. ഇനി എന്ത് സംഭവിക്കും എന്നുള്ളത് എന്തായാലും ദിൽഷ പുറത്ത് വരുന്നത് കാത്തിരിക്കുകയാണ് ബിഗ്‌ബോസ് ആരാധകർ.