സംവിധായകന്‍ ഗോപി സുന്ദറും ഗായിക അമൃത സുരേഷും തമ്മിലുള്ള പ്രണയം പുറത്ത് വന്നതിന് പിന്നാലെ സംഭവിച്ചതൊന്നും ചെറിയ കാര്യങ്ങളല്ല. പലരും അവരുടെ തീരുമാനത്തെ എതിർത്തും അനുകൂലിച്ചും പറഞ്ഞു. ഇരുവരും ആദ്യം മൗനം പാലിച്ചെങ്കിലും പിന്നാലെ തുടരെ ചിത്രങ്ങളും പങ്കുവെച്ചു. കൂടാതെ ഒരുമിച്ചെത്തിയ സ്റ്റേജ് ഷോകളൊക്കെ തന്നെ ഇരുവരുടെയും ബന്ധം ആരാധകർക്കിടയിൽ കൂടുതൽ ഉറപ്പിക്കുകയായിരുന്നു. ഗോപി സുന്ദറിനെ അനുകൂലിച്ചും ട്രോളിയുമെല്ലാം നിരവധിയാളുകളാണ് രംഗത്ത് വന്നത്. ഇപ്പോഴിതാ മുമ്പ് ഗോപി സുന്ദര്‍ തന്റെ ഇന്‍സ്റ്റഗ്രാമില്‍ പങ്കുവെച്ച ഒരു പോസ്റ്റ് കുത്തിപ്പൊക്കിയിരിക്കുകയാണ് സോഷ്യല്‍ മീഡിയ. 'വീട്ടിലേക്ക് ഒരു വനിതാ കുക്കിനെ ആവശ്യമുണ്ട്. നല്ല നാടന്‍ ഫുഡ് ഉണ്ടാക്കാന്‍ അറിയാവുന്ന ആള് മതി. വിവരങ്ങള്‍ എന്റെ ഇ-മെയില്‍ ഐഡിയിലേയ്ക്ക് അയക്കുക. നന്ദി.' എന്നായിരുന്നു ഗോപി സുന്ദര്‍ കുറച്ചുനാളുകള്‍ക്ക് മുമ്പ് ഇന്‍സ്റ്റയില്‍ കുറിച്ചിരുന്നത്. അന്ന് ഗോപി സുന്ദറിന്റെ പങ്കാളിയായിരുന്ന അഭയ ഹിരണ്‍മയി ഉള്‍പ്പെടെ പോസ്റ്റിന് താഴെ കമന്റുമായി എത്തിയിരുന്നു. 'ഫീമെയില്‍ കുക്കിനെ വേണം എന്നു പറയുമ്പോള്‍ ഉള്ള ആ ഇക്കിളി ഉണ്ടല്ലോ. ഹോ എന്തൊരു ആവേശം. പിന്നെ എന്റെ കുക്കിംഗ് സ്‌കില്‍സിനെ കുറിച്ചും ഞാന്‍ പണിയെടുത്ത പോരേ എന്നുള്ള 'സ്വാഭാവിക'സംശയവും യു.എന്‍ ലൊക്കെ പ്രസംഗിച്ചിട്ടൊന്നും കാര്യമില്ല ടീച്ചറെ നമ്മുക്ക് ചായയിടാന്‍ അറിയില്ലെങ്കില്‍ തീര്‍ന്ന്'. എന്നൊക്കെ പറഞ്ഞുകൊണ്ടാണ് അഭയ അന്ന് കമന്റ് ചെയ്തിരുന്നത്. സംഭവം എന്തായാലും കാഞിരളായി മാറിയിരിക്കുകയാണ്.