സംവിധായകന്‍ ഗോപി സുന്ദറും ഗായിക അമൃത സുരേഷും തമ്മിലുള്ള പ്രണയം പുറത്ത് വന്നതിന് പിന്നാലെ സംഭവിച്ചതൊന്നും ചെറിയ കാര്യങ്ങളല്ല. പലരും അവരുടെ തീരുമാനത്തെ എതിർത്തും അനുകൂലിച്ചും പറഞ്ഞു. ഇരുവരും ആദ്യം മൗനം പാലിച്ചെങ്കിലും പിന്നാലെ തുടരെ ചിത്രങ്ങളും പങ്കുവെച്ചു. കൂടാതെ ഒരുമിച്ചെത്തിയ സ്റ്റേജ് ഷോകളൊക്കെ തന്നെ ഇരുവരുടെയും ബന്ധം ആരാധകർക്കിടയിൽ കൂടുതൽ ഉറപ്പിക്കുകയായിരുന്നു. ഇപ്പോഴിതാ സൈബർ ബുള്ളിയിങ് നടത്തുന്നവരോടുള്ള കുറിക്ക് കൊള്ളുന്ന മറുപടിയുമായി എത്തിയിരിക്കുകയാണ് ​ഗോപി സുന്ദർ.

'സോഷ്യൽമീഡി‌യ ഒരു പബ്ലിക്ക് പ്ലാറ്റ്ഫോമാണ്. പൊതുവഴിയിൽ പോസ്റ്റർ വെക്കുന്നതിന് സമമാണ് അത്. ചിലർ കാർക്കിച്ച് തുപ്പും. പട്ടികൾ മുള്ളും, ചിലപ്പോൾ കീറി കളയും അങ്ങനെയെല്ലാം സംഭവിച്ചേക്കാം.' 'പക്ഷെ അതേ പോസ്റ്റർ എന്റെ വീട്ടിൽ ‍ഞാൻ ഫ്രെയിം ചെയ്ത് വെച്ചശേഷം കോളിങ് ബെല്ലടിച്ച് മറ്റൊരാൾ വീട്ടിൽ കയറി വന്ന് കല്ലെറിഞ്ഞ് തകർക്കാൻ നോക്കിയാൻ ഞാൻ‌ അയാളെ കത്തിക്കും.' 'തെരുവ് പട്ടികൾ നിരവധി ഒരു പണിയുമില്ലാതെ അലഞ്ഞ് നടക്കുന്നുണ്ട്. അവരെയെല്ലാം പോയി അടിച്ച് നന്നാക്കാൻ ആർക്കും സാധിക്കില്ല. അതാണ് വ്യത്യാസം. ഞാൻ അങ്ങനെ മാത്രമെ ഇത്തരം പ്രവൃത്തികളെ കാണുന്നുള്ളൂവെന്നും ​ഗോപി സുന്ദർ പറയുന്നു. എന്നാൽ ഇനി ഈ ബന്ധവും എത്രനാൾ വരെയാണെന്ന് കണ്ടിരുന്നു കണമെന്നാണ് സോഷ്യൽ മീഡിയ പറയുന്നത്.