താരങ്ങൾ മിക്കപ്പോഴും നടിയെ ആക്രമിച്ച കേസുമായി ബന്ധപ്പെട്ട പ്രതികാരങ്ങൾ ഒന്നും തന്നെ നടത്താറില്ല. ഇപ്പോഴിതാ നടിയെ ആക്രമിച്ച കേസ് വളരെ വേദനയുണ്ടാക്കിയ കാര്യമാണെന്ന് നടി നദിയാ മൊയ്തു. സ്ത്രീകള്‍ ഉള്‍പ്പെടുന്ന ചില പ്രശ്‌നങ്ങള്‍ ഡബ്ല്യു സി സി ശ്രദ്ധിക്കുന്നുണ്ട് എന്നും അവര്‍ ചെയ്യുന്ന എല്ലാ പ്രവര്‍ത്തനങ്ങളിലും തനിക്ക് അഭിമാനം തോന്നാറുണ്ട് എന്നും നദിയ മൊയ്തു വ്യക്തമാക്കി. ഇതുവരെ ആരും അഡ്രസ് ചെയ്യാത്ത കാര്യങ്ങളാണ് ഡബ്ല്യു സി സി ശ്രദ്ധയില്‍ പെടുത്തുന്നത്. ഒരു വ്യക്തിയെ മാനസികമായും ശാരീരികമായും വേദനിപ്പിക്കുന്നത് ശരിക്കും വിഷമം ഉണ്ടാക്കുന്ന കാര്യമാണ് എന്നും നദിയ മൊയ്തു പറഞ്ഞു. രണ്ട് പെണ്‍മക്കളുടെ അമ്മ എന്ന നിലയില്‍ അസ്വസ്ഥത ഉണ്ടാക്കുന്ന കാര്യമാണിതെന്നും നദിയ മൊയ്തു കൂട്ടിച്ചേര്‍ത്തു.

നമ്മൾ സുരക്ഷയെക്കുറിച്ച് കൂടുതല്‍ ചിന്തിക്കണം എന്നും അവര്‍ പറഞ്ഞു. പെണ്‍മക്കളെ പഠിപ്പിച്ച് അവരെ സ്വന്തം കാലില്‍ നില്‍ക്കാനുള്ള പ്രാപ്തരാക്കണമെന്നും ആണായാലും പെണ്ണായാലും എന്തും തെരഞ്ഞെടുക്കാനുള്ള സ്വാതന്ത്ര്യം അവര്‍ക്ക് നല്‍കണമെന്നും നദിയ മൊയ്തു വ്യക്തമാക്കി. കാലം പുരോഗമിക്കുകയാണ് എന്നും അതിനെ അംഗീകരിക്കാനും പിന്തുണയ്ക്കാനും പുരുഷന്മാരും തയാറാകണമെന്നും നദിയ മൊയ്തു കൂട്ടിച്ചേര്‍ത്തു.