മലയാളത്തിലെ ഹിറ്റ് താരങ്ങളാണ് പൃഥ്വിരാജും ഇന്ദ്രജിത്തും. തന്റെ നിലപാടുകൾ എപ്പോഴും മുഖം നോക്കാതെ പൃഥ്വിരാജ് പറയാറുറുണ്ട്. അതുകൊണ്ട് തന്നെ ഏറെ വിമർശനങ്ങളും നേരിടേണ്ടി വന്നിട്ടുണ്ട്. ഇപ്പോഴിതാ തന്റെ മക്കളെപ്പറ്റി മല്ലിക സുകുമാരൻ ഒരു മാധ്യമത്തിന് നൽകിയ അഭിമുഖമാണ് സോഷ്യൽമീഡിയയിൽ വൈറലാകുന്നത്. ചെറുപ്പത്തിലേ പൃഥ്വിരാജും ഇന്ദ്രജിത്തും സംഘപരിവാര്‍ ശാഖയില്‍ കുറച്ച് നാള്‍ പോയിരുന്നെന്നും അത് സൂര്യ നമസ്‌കാരവും മറ്റും പഠിക്കാന്‍ മാത്രമായിരുന്നുവെന്നും പറയുകയാണ് മല്ലിക സുകുമാരന്‍. മതത്തെയാണ് പൃഥ്വിരാജിന് ഇഷ്ടമല്ലാത്തത് എന്നാല്‍ നല്ല ഈശ്വരവിശ്വാസിയാണെന്നും യുക്തിവാദിയാണെന്ന പ്രചാരണം ശരിയല്ലെന്നും മല്ലിക പറയുന്നു. ‘അവന്‍ എപ്പോഴും പറയും, എന്തുവാ അമ്മെ നമ്മുടെ നാട്ടില്‍ മാത്രമാണല്ലോ ഇതിനെ ബെയ്സ് ചെയ്തുള്ള വഴക്കുകളും ചര്‍ച്ചകളുമൊക്കെ.’ മല്ലിക സുകുമാരന്‍ പറഞ്ഞു. പൃഥ്വിരാജിനൊപ്പം ഭാര്യയും മകളും ഒരുപോലെ ദൈവ വിശ്വാസികളാണെന്നും മല്ലിക പറഞ്ഞു. മകന്‍ ഷൂട്ടിനായി പോകുന്നതിനു മുന്‍പ് രാവിലെ അമ്പലത്തില്‍ പോയിട്ടാണ് മിക്കപ്പോഴും പോകാറെന്നും മല്ലിക വ്യക്തമാക്കി. രാവിലെ നാല് മണിക്ക് കുളിച്ച് അമ്പലത്തില്‍ തൊഴുതിട്ട് ആറുമണിക്കുള്ള ഫ്ളൈറ്റില്‍ കയറിപോകും.’ യുക്തിവാദിയാണ് പൃഥ്വിരാജ് എന്നത് എല്ലാവരും വെറുതെ ധരിക്കുന്നതാണെന്നും മല്ലിക സുകുമാരന്‍ പറയുന്നു.