അതീവ സുരക്ഷയോടെ മഹാബലിപുരത്ത് വെച്ച് നടന്ന നയൻതാരയുടെയും വിഘ്‌നേശ് ശിവന്റെയും വിവാഹ വിശേഷങ്ങൾ കൊണ്ട് നിറയുകയാണ് സോഷ്യൽ മീഡിയയിൽ. രാവിലെ 8.30ന് തുടങ്ങിയ വിവാഹ ചടങ്ങുകൾ രണ്ട് മണിക്കൂറോളം നീണ്ടു. വിവാഹത്തിന് ആദ്യം എത്തിയ ചുരുക്കം ചില അതിഥികളിൽ ഒരാൾ സൂപ്പർ സ്റ്റാർ രജനികാന്താണ്. അതിന്റെ കാരണവും ഇപ്പോൾ പുറത്ത് വന്നിരിക്കുകയാണ്. രജനികാന്താണ് വിഘ്‌നേഷ് ശിവന് മംഗളസൂത്രം കൈമാറിയതെന്നും അദ്ദേഹം അത് നയൻതാരയുടെ കഴുത്തിൽ കെട്ടിയെന്നും റിപ്പോർട്ടുണ്ട്.

വിവാഹത്തിന്റെ ചിത്രങ്ങളും ഇപ്പോൾ വൈറലായി കഴിഞ്ഞിരിക്കുകയാണ്. നയൻതാരയും വിഘ്‌നേശ് ശിവനും തങ്ങളുടെ സോഷ്യൽ മീഡിയ പേജിലൂടെയാണ് ചിത്രങ്ങൾ പുറത്തു വിട്ടത്. നിമിഷങ്ങൾക്കകം ആരാധകർ ചിത്രങ്ങൾ ഏറ്റെടുത്തു. ഷാരൂഖ് ഖാൻ, മണിരത്നം, ബോണി കപൂർ, അജിത് കുമാർ, ഇളയദളപതി വിജയ്, നടൻ ദിലീപ് തുടങ്ങിയവരും വിവാഹത്തിൽ പങ്കെടുത്തിരുന്നു. മഹാബലിപുരത്തെ ഷെറാട്ടൺ ഫോർപോയിന്റ്സ് റിസോർട്ടിൽവച്ച് നടന്ന ചടങ്ങിൽ കുടുംബാംഗങ്ങളും സുഹൃത്തുക്കളുമടക്കം വളരെ കുറച്ചുപേർക്ക് മാത്രമാണ് പ്രവേശനം അനുവദിച്ചിരിക്കുന്നത്. കാതൽ ബിരിയാണി മുതൽ ബദാം ഹൽവ വരെയാണ് അതിഥികൾക്ക് വിളമ്പിയത്. 2015ൽ നാനും റൗഡി ധാന്റെ ചിത്രീകരണത്തിനിടെയാണ് ഇരുവരും പ്രണയത്തിലായത്. തങ്ങളുടെ വിവാഹദിനം അർഥവത്തായതും തങ്ങൾക്കും ചുറ്റുമുള്ള ആളുകൾക്കും അവിസ്മരണീയവുമാക്കാൻ ഇരുതാരങ്ങൾ ആഗ്ര ഹിക്കുന്നു. തമിഴ്‌നാട്ടിൽ ഉടനീളമുള്ള 18,000 കുട്ടികൾക്ക് ഉച്ചഭക്ഷണം നൽകാൻ തീരുമാനിച്ചിരിക്കുകയാണ് ഇരുവരും.