ബോളിവുഡ് സുന്ദരി സണ്ണി ലിയോണി സമൂഹ മാധ്യമങ്ങളില്‍ പങ്കുവയ്ക്കുന്ന ഓരോ ചിത്രങ്ങളും വീഡിയോകളും ആവേശത്തോടെയാണ് ആരാധകര്‍ ഏറ്റെടുക്കാറുള്ളത്. അത്തരത്തില്‍ നടി ഇന്‍സ്റ്റഗ്രാമില്‍ പോസ്റ്റ് ചെയ്ത പുതിയ വീഡിയോയും സമൂഹമാദ്ധ്യമങ്ങളില്‍ തരംഗമാകുകയാണ്.

സണ്ണി ലിയോണിനെ മാനേജര്‍ രജനി പൂളില്‍ തള്ളിയിടുന്നതാണ് വീഡിയോയിലുള്ളത്. അപ്രതീക്ഷിതമായി വെള്ളത്തില്‍ വീണ നടി ദേഷ്യത്തില്‍ ചെരുപ്പ് രജനിക്ക് നേരെ വലിച്ചെറിയുകയാണ്. ചുറ്റുമുള്ളവര്‍ ചിരിക്കുകയും ചെയ്യുന്നു.

രസകരമായ കമന്റുകളുമായി നിരവധി ആരാധകരാണ് രംഗത്തെത്തിയത്. നടിയുടെ പ്രതികാരം തീരെ കുറഞ്ഞുപോയെന്നുമൊക്കെയാണ് കമന്റ്. തന്റെ ജീവനക്കാരോട് വളരെ സ്‌നേഹത്തോടെ പെരുമാറുന്നയാളാണ് സണ്ണി ലിയോണ്‍ എന്നാണ് വീഡിയോ തെളിയിക്കുന്നതെന്നാണ് ആരാധകര്‍ പറയുന്നത്.

മലയാളത്തില്‍ മധുരരാജ എന്ന സിനിമയില്‍ സണ്ണി ഒരു നൃത്ത രംഗത്തില്‍ മമ്മൂട്ടിയോടൊപ്പം എത്തിയിരുന്നു. ഇപ്പോള്‍ താരം കുടുംബ സമേതം മുംബൈയിലാണ് താമസം. ഭര്‍ത്താവ് ഡാനിയേല്‍ വെബര്‍, മക്കളായ നിഷ, നോവ, അഷര്‍ എന്നിവരടങ്ങുന്നതാണ് സണ്ണിയുടെ കുടുംബം. സോഷ്യല്‍ മീഡിയയില്‍ സജീവമായ സണ്ണി ലിയോണി തന്റെ എല്ലാ വിശേഷങ്ങളും ആരാധകരുമായി പങ്കുവയ്ക്കാറുണ്ട്.