വര്ഷങ്ങളുടെ പ്രണയത്തിന് ശേഷം കഴിഞ്ഞ ദിവസമായിരുന്നു തെന്നിന്ത്യൻ താരം നയൻ‌താരയും ഭർത്താവും സംവിധായകനുമായ വിഘ്‌നേഷും തമ്മിലുള്ള വിവാഹം. എന്നാൽ വിവാഹശേഷം ഇരുവരും തിരുപ്പതിയിൽ എത്തി ദർശനം നടത്തിയിരിക്കുകയാണ്. ഇതിനു മുൻപും ഇരുവരും ഒന്നിച്ച് ദർശനം നടത്തിയിട്ടുണ്ട്. തിരുപ്പതി വച്ച് തന്നെ വിവാഹം കഴിക്കണം എന്ന് ഇരുവർക്കും ആഗ്രഹമുണ്ടായിരുന്നതായും മറ്റു അസൗകര്യങ്ങൾ പരിഗണിച്ച് വേദി മാറ്റാൻ തീരുമാനിച്ചതായും വിവാഹവുമായി ബന്ധപ്പെട്ടു നടത്തിയ പത്രസമ്മേളനത്തിൽ വിഘ്‌നേശ് വെളിപ്പെടുത്തിയിരുന്നു.

വ്യാഴ്ച മഹാബലിപുരത്ത് ഹിന്ദു ആചാരപ്രകാരം നടന്ന ചടങ്ങിൽ ഇരുവരുടെയും ബന്ധുക്കളും സുഹൃത്തുക്കളും ഏതാനും സിനിമാ പ്രവർത്തകരും പങ്കെടുത്തിരുന്നു. സൂപ്പർ താരങ്ങളായ രജിനികാന്ത്, സൂര്യ, ബോളിവുഡിൽ നിന്നും ഷാരൂഖ് ഖാൻ, മലയാള സിനിമാലോകത്തുനിന്നും ദിലീപ് തുടങ്ങി നിരവധി പേര്‍ ചടങ്ങിനെത്തിയിരുന്നു. ഇന്ന് സിനിമാപ്രവ‍‍ർത്തകർക്കും മാധ്യമപ്രവർ‍ത്തകർ‍ക്കുമായി വിവാഹ സത്കാരവും ചെന്നൈയിൽ നടക്കുന്നുണ്ട്.