വിവാഹ ദിവസം വൈൻ റെഡ് നിറത്തിലുള്ള സാരിയിൽ എമ്രാൾഡ് പതിപ്പിച്ച ആഭരണങ്ങളിൽ കുളിച്ച് അതീവ സുന്ദരിയായി നവവധുവായി എത്തിയ നയൻതാരയെ ആർക്കും മറക്കാനാകില്ല. ആ സൗന്ദര്യത്തിൽ എല്ലാവരും നോക്കി നിന്നു. എല്ലാവരും ആ സൗന്ദര്യത്തെ വാനോളം പുകഴ്ത്തുന്നതിനിടയിൽ ഇപ്പോഴിതാ നയൻതാരയെ പണ്ട് ഒരുക്കാൻ സാധിച്ചതിൻ്റെ സന്തോഷം പങ്കുവെച്ച് രംഗത്ത് വന്നിരിക്കുകയാണ് സെലിബ്രിറ്റി മേക്കപ്പ് ആർട്ടിസ്റ്റ് അനില ജോസഫ്. സോഷ്യൽ മീഡിയയിൽ വളരെ സജീവമായ അനില തൻ്റെ ഇൻസ്റ്റാഗ്രാമിലൂടെയാണ് തൻ്റെ നയൻതാരയ്ക്കൊപ്പം പ്രവർത്തിച്ചതിൻ്റെ എക്സ്പീരിയൻസും പറഞ്ഞ് കൊണ്ട് നവദമ്പതികൾക്ക് ആശംസകൾ നേർന്നത്. ലേഡി സൂപ്പർ സ്റ്റാർ നയൻതാരയ്‌ക്കൊപ്പം എന്ന് കുറിച്ചുകൊണ്ട് നയൻതാരയെ മേയ്ക്കപ്പ് ചെയ്യുന്നതിൻ്റെ ചിത്രവും അനില പങ്കുവെച്ചിട്ടുണ്ട്. ഒരുപാട് സെലിബ്രിറ്റികൾക്കും ഒരുപാട് സുന്ദരികൾക്കും മേക്കപ്പ് ചെയ്യാനുള്ള ഭാഗ്യം എനിക്കുണ്ടായിട്ടുണ്ടെന്ന് അനില കുറിച്ചിരിക്കുന്നു.

തൻ്റെ മേയ്ക്കപ്പ് ഇൻഡസ്ട്രിയിലെ പ്രവർത്തി പരിചയത്തെ ഉദ്ദേശിച്ച് കൊണ്ട് 36 വർഷത്തെ ചാലഞ്ചാണ് ഇതെന്നും അനില കുറിച്ചിരിക്കുന്നു. എനിക്ക് ഇപ്പോഴും അയഥാർത്ഥമായി തോന്നുന്ന അനുഭവങ്ങൾ തൻ്റെ ഈ കരിയർ കാലയളവ് തനിക്ക് നൽകി. ഒരു സ്വപ്നത്തിൽ ജീവിക്കാൻ എന്നെ അനുവദിച്ച ഒരു കരിയറാണിതെന്നും അനില കുറിച്ചിരിക്കുന്നു.

ഇപ്പോൾ പോലും തനിക്ക് തൻ്റെ ജോലിയോടും കരിയറിനോടുമുള്ള അഭിനിവേശം തുടരുകയാണെന്നും അത് ഇനിയും ആഴത്തിലേക്ക് പോകുമെന്നും താൻ ഭാഗ്യവതിയാണെന്നും ഇതൊക്കെ ഒരു ഭാഗ്യം തന്നെയാണെന്നും അനില കുറിച്ചിരിക്കുന്നു. നിരവധി പേരാണ് അനിലയുടെ കുറിപ്പ് പങ്കുവെച്ചിരിക്കുന്നത്. മുൻപ് നിരവധി നടിമാരെ വിവാഹത്തിന് ഒരുക്കിയതിനെ കുറിച്ച് അനില പങ്കുവെച്ച കുറിപ്പും സോഷ്യൽ മീഡിയയിൽ വൈറലായി മാറിയിരുന്നു.