പുതിയ റെക്കോര്ഡ് നേട്ടവുമായി കുതിപ്പ് തുടര്ന്ന് 'വിക്രം'! യുകെയിൽ റെക്കോര്ഡ് നേട്ടം.. യുകെയില് ഏറ്റവും കൂടുതല് കളക്ഷന് നേടിയ എക്കാലത്തെയും തമിഴ് ചിത്രമായി ഉലകനായകന്റെ വിക്രം
കമല്ഹാസൻ നായകനായി ഏറ്റവും ഒടുവില് പ്രദര്ശനത്തിന് എത്തിയതാണ് 'വിക്രം'. ലോകേഷ് കനകരാജ് ആണ് ചിത്രം സംവിധാനം ചെയ്തത്. മികച്ച പ്രതികരണമാണ് ചിത്രം തിയറ്ററുകളില് നിന്ന് നേടുന്നത്. ഇപ്പോഴിതാ യുകെയിലെ കളക്ഷനെ കുറിച്ചാണ് പുതിയ വാര്ത്ത പുറത്ത് വരുന്നത്. യുകെയില് ഏറ്റവും കൂടുതല് കളക്ഷന് നേടിയ എക്കാലത്തെയും തമിഴ് ചിത്രമായി മാറിയിരിക്കുകയാണ് ‘വിക്രം’. കേരളത്തില് നിന്ന് ഏറ്റവും അധികം കളക്ഷന് നേടിയ തമിഴ് ചിത്രം എന്ന റെക്കോര്ഡും ‘വിക്രം’ സ്വന്തമാക്കിയിരുന്നു.
അഞ്ച് ദിവസങ്ങള് കൊണ്ടാണ് ചിത്രം ഈ റെക്കോര്ഡ് നേടിയത്. വിജയ് നായകനായ ‘ബിഗില്’ ആയിരുന്നു കേരളത്തില് നിന്ന് ഏറ്റവും അധികം കളക്ഷന് സ്വന്തമാക്കിയ തമിഴ് ചിത്രം. കമല് ഹാസന് നായകനായ ചിത്രം ഇതിനോടകം 250 കോടിയ്ക്ക് മുകളില് കളക്ഷന് നേടി കഴിഞ്ഞു. സൂര്യയും ‘വിക്രമി’ല് സുപ്രധാനമായ അതിഥി വേഷത്തില് എത്തുന്നുണ്ട്. മലയാളി താരങ്ങളും 'വിക്രം' ചിത്രത്തില് അഭിനയിച്ചിരുന്നു. ഫഹദ് ഫാസില്, കാളിദാസ് ജയറാം, നരേൻ തുടങ്ങിയവരാണ് മലയാളത്തില് നിന്ന് വിക്രമില് അഭിനയിച്ചത്.
https://www.facebook.com/Malayalivartha
