മുൻപത്തെ സീസണുകളിൽ നിന്നും വ്യത്യസ്തമായി ഒട്ടേറെ ട്വിസ്റ്റുകള്‍ക്ക് സാക്ഷ്യം വഹിച്ച പരിപാടിയാണ് ബിഗ് ബോസ് മലയാളം സീസൺ നാല്. വിജയി ആരായിരിക്കും എന്നറിയാനുള്ള കാത്തിരിപ്പിലാണ് ബിഗ് ബോസ് പ്രേമികൾ. വരുന്ന പന്ത്രണ്ടാം വാരത്തിലേക്കുള്ള ക്യാപ്റ്റനെ കഴിഞ്ഞ ദിവസം മത്സരാർത്ഥികൾ തെരഞ്ഞെടുത്തു. അഖില്‍ ആണ് ക്യാപ്റ്റന്‍. ഇത് മൂന്നാം തവണയാണ് അഖില്‍ ക്യാപ്റ്റനാവുന്നത്. ഈ സീസണില്‍ ഏറ്റവും കൂടുതല്‍ തവണ. ബിഗ് ബോസ് പ്രത്യേക സമ്മാനം നല്‍കിയാണ് അഖിലിനെ അഭിനന്ദിച്ചത്. ഫിനാലെയിലേക്ക് മൂന്ന് ആഴ്ചകള്‍ മാത്രമാണ് അവശേഷിക്കുന്നത് എന്നതിനാല്‍ ഇത്തവണത്തെ ക്യാപ്റ്റന്‍സി ഏത് മത്സരാര്‍ഥിയും ആഗ്രഹിക്കുന്ന ഒന്നാണ്. ആദ്യം ക്യാപ്റ്റന്‍സി ടാസ്‌ക്കില്‍ പങ്കെടുക്കുന്നതിന് മൂന്ന് പേരെ തിരഞ്ഞെടുക്കാനാണ് ബിഗ് ബോസ് ആവശ്യപ്പെട്ടത്. ഇതില്‍ ഏറ്റവും അധികം ആളുകള്‍ പറഞ്ഞ പേര് അഖില്‍, വിനയ്, റിയാസ് എന്നിവരുടേതാണ്. എന്നാല്‍ റിയാസ് ക്യാപ്റ്റനാകുന്നതിനോട് എതിര്‍ത്ത് ചിലര്‍ രംഗത്തെിരുന്നു.

ക്യാപ്റ്റനാകാന്‍ തീരെ യോഗ്യതയില്ലാത്ത ആളാണ് റിയാസ് എന്നായിരുന്നു ലക്ഷ്മിപ്രിയ പറഞ്ഞത്. ഇതിന്റെ കാരണമായി ലക്ഷ്മി ചൂണ്ടിക്കാണിച്ചത് റിയാസ് ദില്‍ഷയോട് പറഞ്ഞ ചില കാര്യങ്ങളാണ്. ഇത് എന്താണെന്ന് പറയാന്‍ ലക്ഷ്മിപ്രിയ തയ്യാറായിരുന്നുമില്ല. ഒരു സ്ത്രീ എന്ന നിലയ്ക്ക് അത് ഞാന്‍ എന്റെ നാവില്‍ നിന്ന് പറയില്ല. ഇതൊരു ഗെയിം ഷോയാണ്. ഇതില്‍ എന്തും പറയാം എന്ന് വിചാരിക്കുന്നത് തെറ്റാണ്. ബിഗ് ബോസിന് പുറത്ത് ദില്‍ഷയ്ക്ക് ഒരു ജീവിതമുണ്ട്. അവിവാഹിതയായ ഒരു പെണ്‍കുട്ടിയുടെ മുഖത്ത് നോക്കി ഒരിക്കലും അത് പറയാന്‍ പാടില്ലായിരുന്നു. അതുകൊണ്ടു തന്നെ ഒരിയ്ക്കലും ക്യാപ്റ്റനായി ഇരിക്കാന്‍ യോഗ്യതയില്ല. എന്ത് വാക്കാണ് താന്‍ അത്ര മോശമായി പറഞ്ഞത് എന്ന് റിയാസ് വ്യക്തമാക്കാന്‍ ആവശ്യപ്പെടുന്നുണ്ടെങ്കിലും അത് പറയാന്‍ ആരും തയ്യാറായില്ല.

ഒരു പെണ്‍കുട്ടിയുടെ മുഖത്ത് നോക്കി ഇത്തരം പദപ്രയോഗങ്ങള്‍ നടത്തുന്ന വ്യക്തിയെ ഒരിക്കലും ക്യാപ്റ്റനായി പരിഗണിക്കാന്‍ സാധിക്കില്ല എന്നാണ് മറ്റ് മത്സരാര്‍ത്ഥികല്‍ പറയുന്നത്. ഇത് തുറന്ന് പറയാനും ആരും തയ്യാറായില്ല. ദില്‍ഷയ്ക്ക് പറയാന്‍ താല്‍പ്പര്യമുണ്ടെങ്കില്‍ ദില്‍ഷ പറയട്ടെ മറ്റാരും അത് പറയുന്നില്ല എന്നാണ് ലക്ഷ്മിപ്രിയയും ധന്യയും ആവര്‍ത്തിക്കുന്നത്. എന്താണ് അവന്‍ പറഞ്ഞതെന്ന് തുറന്ന് പറഞ്ഞ് റിയാസിന് തെറ്റ് തിരുത്താന്‍ ഒരു അവസരം നല്‍കണം എന്നാണ് ബ്ലെസ്ലി പറയുന്നത്. അവിടെ അത് ശരിയല്ല എന്ന് ലക്ഷ്മിപ്രിയ പറയുന്നു. റിയാസ് ദില്‍ഷയെ റോബിന്റെ എച്ചില്‍ എന്നാണ് വിശേഷിപ്പിച്ചത്. ഇതില്‍ ഇപ്പോഴും ഒരു തെറ്റും ഇല്ലെന്നാണ് റിയാസ് പറയുന്നത്. കാരണം അത് പറഞ്ഞ് തുടങ്ങിയത് ഞാനല്ല. ദില്‍ഷ തന്നെയാണ്. അവശിഷ്ടം എന്ന വാക്ക് ദില്‍ഷ ഉപയോഗിച്ചു. അത് വീണ്ടും ഉപയോഗിക്കുകമാത്രമാണ് താന്‍ ചെയ്തത്. പക്ഷേ റിയാസിന്റെ വാക്കുകളില്‍ സംഭവിച്ച അബദ്ധം മനസ്സിലാക്കിക്കാന്‍ ധന്യ പരമാവധി ശ്രമിക്കുന്നുണ്ട്. റിയാസിനെ ഒറ്റയ്ക്ക് മാറ്റി നിര്‍ത്തിയാണ് സംസാരിക്കുന്നത്. എന്നാല്‍ താന്‍ പറഞ്ഞതില്‍ തെറ്റില്ല എന്നാണ് റിയാസ് പറയുന്നത്. ഇനി വരും ദിവസങ്ങളിൽ മത്സരം ഏറെ കൊടുക്കുകയാണ്. കണ്ടിരുന്നു തന്നെ കാണണം. എന്താണ് ഇനി സംഭവിക്കുകയെന്നും ആരാണ് വിജയി എന്നും.