സോഷ്യൽ മീഡിയയുടെയും പൊതുസമൂഹത്തിന്റെയും ഓഡിറ്റിംഗിന് നിരന്തരം വിധേയനായി കൊണ്ടിരിക്കുന്ന​ ഒരാളാണ് ഷൈൻ ടോം ചാക്കോ. ഹേറ്റേഴ്സിന് ഒരു പഞ്ഞവുമില്ലാത്ത ഒരാൾ! എന്നാൽ, ഹേറ്റേഴ്സിനെ പോലും നിശബ്ദരാക്കുന്ന ഒന്നുണ്ട്, അത് ഷൈൻ എന്ന നടനിലെ പ്രതിഭയാണ്. ഭാസിപ്പിള്ളയായി,​ ആൽവിനായി, പീറ്ററായി അയാൾ സ്ക്രീനിൽ തകർത്താടുമ്പോൾ ഒരു യഥാർത്ഥ കലാസ്വാദകന് ആ പ്രകടനം കണ്ട് കയ്യടിക്കാതിരിക്കാനാവില്ല. മമ്മൂട്ടി- അമൽ നീരദ് ടീമിന്റെ ഭീഷ്മപർവ്വത്തിൽ ഗംഭീരമായ അഭിനയം കാഴ്ച്ചവെക്കാൻ താരത്തിന് കഴിഞ്ഞു.

ഇപ്പോഴിതാ 'കൊച്ചാൾ' എന്ന ചിത്രത്തിന്റെ വിശേഷങ്ങൾ പ്രേക്ഷകരുമായി പങ്കുവയ്ക്കുകയാണ് ഷെെൻ ടോം ചാക്കോ. ചിത്രം കണ്ടവർ മികച്ച അഭിപ്രായമാണ് പറയുന്നതെന്ന് താരം പറഞ്ഞു. തന്റെ ഇന്റവ്യൂവിന് വരുന്ന കമന്റുകളെപ്പറ്റിയും താരം പ്രതികരിച്ചു. 'ഞാൻ ഒക്കെ എന്താണ് അടിക്കുന്നതെന്നാണ് ആൾക്കാർക്ക് അറിയേണ്ടത്. എന്താണ് ഇപ്പോൾ നാട്ടിൽ അടിക്കാൻ കിട്ടാത്തത്. എല്ലാരും അടിക്കണ സാധനം തന്നെയാണ് നമ്മളും അടിക്കുന്നത്. ചിലപ്പോൾ ക്വാളിറ്റിയുള്ളത് കിട്ടും, ചിലപ്പോൾ ക്വാളിറ്റിയില്ലാത്തത് കിട്ടും. ഇവിടെ ഡ്രഗ്‌സ് ഒക്കെ ഉപയോഗിക്കുന്നവരെ പിടിച്ച് വിരട്ടുന്നു. ഇതൊക്കെ വിൽക്കുന്നവരെയാണ് പിടിക്കേണ്ടത്. പിള്ളേർക്ക് ഇതൊക്കെ എങ്ങനെ കിട്ടുന്നു എന്നാണ് അന്വേഷിക്കേണ്ടത്.ധ്യാനും അജു വർഗീസുമൊക്കെ സ്‌പോട്ടിലാണ് കൗണ്ടറടിക്കുന്നത്. ഇവരുടെ ഒക്കെ വീഡിയോ വെെറലാവുന്നതിന്റെ കാര്യം ഇതാണ്. ലെെംഗികതയിൽ മാത്രമേ ആൺ - പെൺ വ്യത്യാസം ഒക്കെ ഉള്ളു. എല്ലാവരും കറക്റ്റായിട്ട് ഒരു ലൈംഗിക ബന്ധത്തിൽ ഏർപ്പെടണം. അതിന്റെ ഫ്രസ്‌ട്രേഷൻ ഉണ്ട് പലർക്കും. വികലമായ ചിന്തകളിലൂടെയാണ് ഇതൊക്കെ അറിയുന്നത്. സെക്‌സ് എഡ്യൂക്കേഷൻ കൃത്യമായി നടപ്പിലാക്കണം. സയൻസ്, സോഷ്യൽ എന്നൊക്കെപ്പോലെ ഇതും ഒരു വിഭാഗമാക്കണമെന്നും ഷെെൻ ടോം പറഞ്ഞു.

കൃ​ഷ്ണ​ശ​ങ്ക​റി​നെ​ ​നാ​യ​ക​നാ​ക്കി​ ​ശ്യാം​ ​മോ​ഹ​ൻ​ ​സം​വി​ധാ​നം​ ​ചെ​യ്‌ത ചിത്രമാണ്​ ​'കൊ​ച്ചാ​ൾ'. ​​ഷൈൻ​ ​ടോം​ ​ചാ​ക്കോ,​ ​മു​ര​ളി​ഗോ​പി,​ ഇ​ന്ദ്ര​ൻ​സ്,​ ​വി​ജ​യ​രാ​ഘ​വ​ൻ,​ ര​ഞ്ജി​പ​ണി​ക്ക​ർ,​ ​ശ​ബ​രീ​ഷ് ​വ​ർ​മ്മ,​ഗോ​കു​ല​ൻ,​ ​കൊ​ച്ചു​പ്രേ​മ​ൻ,​ ചെ​മ്പി​ൽ​ ​അ​ശോ​ക​ൻ,​ അ​രു​ൺ​ ​പു​ന​ലൂ​ർ,​ ലി​മു​ ​ശ​ങ്ക​ർ,​ ചൈ​ത​ന്യ​ ​പ്ര​താ​പ്,​ ശ്രീ​ല​ക്ഷ്മി,​ ആ​ര്യ​ ​സ​ലി,​ ​അ​ഞ്ജ​ലി​ ​നാ​യ​ർ,​ നീ​ന​ ​കു​റു​പ്പ്,​ സേ​തു​ല​ക്ഷ്മി,​ ​സീ​ന​ത്ത്,​ ​എ​ന്നി​വ​രാ​ണ് ചിത്രത്തിലെ ​മ​റ്റു​ ​താ​ര​ങ്ങ​ൾ. ​മി​ഥു​ൻ,​പ്ര​ജി​ത്ത് എന്നിവർ ചേർന്നാണ് ചിത്രത്തിന്റെ ര​ച​ന നിർവഹിച്ചിരിക്കുന്നത്​.​ സി​യാ​റ​ ​ടാ​ക്കീ​സി​ന്റെ​ ​ബാ​ന​റി​ൽ​ ​ദീ​പ് ​നാ​ഗ്‌ഡയാണ് ചിത്രം​ ​നി​ർ​മ്മിച്ചിരിക്കുന്നത്.