ഒന്നിനോടും പ്രതികരിക്കാന് നയന്താരയില്ല, പ്രചരിയ്ക്കുന്ന വാര്ത്തകളില് സത്യാവസ്ഥയില്ലെന്ന് താരത്തിന്റെ സുഹൃത്തുക്കള്
നയന്താരയെ സംബന്ധിച്ച എന്ത് കാര്യവും എപ്പോഴും വാര്ത്തകളാണ്. അതിലധികവും കിംവദന്തികളാവും. താന് വെറുതേ വീട്ടിലിരുന്നാലും തന്നെ സംബന്ധിച്ച ഗോസിപ്പുകള് വരാറുണ്ടെന്ന് നയന്താര പലപ്പോഴും പറഞ്ഞിട്ടുണ്ട്. മിക്ക ഗോസിപ്പുകളോടും നയന് പ്രതികരിക്കാറുമില്ല.
ഹൈദരാബാദിലെ ഒരു ഹോട്ടലില് നയന്താരയ്ക്ക് പ്രവേശനാനുമതി നിഷേധിച്ചു എന്ന് പറഞ്ഞുകൊണ്ടാണ് ഇപ്പോള് ഒരു വാര്ത്ത പ്രചരിയ്ക്കുന്നത്. ഹോട്ടലില് നയന് പ്രശ്നക്കാരിയാണെന്നും മറ്റുമാണ് വാര്ത്തയില് പറയുന്നത്.
ഹൗദരബാദിലെ ഒരു ഫൈവ് സ്റ്റാര് ഹോട്ടലില് നയന്താരയ്ക്ക് പ്രവേശനാനുമതി നിഷേധിച്ചു. നയന്താര പ്രശ്നക്കാരിയാണെന്നും ദേഷ്യം വന്നാല് സകലതും എറിഞ്ഞുടയ്ക്കുന്നു എന്നുമൊക്കെയാണ് വാര്ത്തകളില് പറയുന്നത്. മാത്രമല്ല, നയന് ഹോട്ടല് ജീവനക്കാരോട് മോശമായ രീതിയില് പെരുമാറുകയും ചെയ്യുമത്രെ.
പ്രചരിയ്ക്കുന്ന വാര്ത്തകളോട് നയന് ഇതുവരെ പ്രതികരിച്ചിട്ടില്ല. ട്വിറ്റര്, ഫേസ്ബുക്ക്, ഇന്സ്റ്റാഗ്രാം പോലുള്ള ഒരു സോഷ്യല് മീഡിയ അക്കൗണ്ടിലും നയന്താരയ്ക്ക് അക്കൗണ്ടുകളില്ല. അതുകൊണ്ട് തന്നെ ഇതൊന്നും താന് അറിഞ്ഞില്ല എന്ന ഭാവത്തില് തന്റെ ചിത്രങ്ങളുടെ തിരക്കുമായി പോവുകയാണ് നയന്.
അതേ സമയം പ്രചരിയ്ക്കുന്ന വാര്ത്തകളില് സത്യാവസ്ഥയില്ല എന്ന് നയന്താരയുടെ അടുത്ത സുഹൃത്തുക്കള് അറിയിച്ചു. ഹൈദരാബാദില് പോയാവല് നയന് സ്ഥിരമായി ഒരു ഹോട്ടലില് മാത്രമാണ് താമസിക്കുന്നത്. ആ ഹോട്ടലുമായി നയന്താരയ്ക്ക് നല്ല അടുപ്പമാണ്. തന്റെ രണ്ടാമത്തെ വീടായാണ് നയന് ഹോട്ടലിലെത്തുന്നത് എന്ന് ജീവനക്കാര് പറയുന്നു
നയന്താരയുടെ പെരുമാറ്റം മോശമാണെന്ന് സംവിധായകന് പരാതിപ്പെട്ടു എന്നാണ് വാര്ത്തയില് പറയുന്ന മറ്റൊരു കാര്യം.
എന്നാല് ഇതുവരെ ഒരു സംവിധായകനും നയന്താരയുടെ പെരുമാറ്റത്തെ കുറിച്ച് മോശം അഭിപ്രായം പറഞ്ഞിട്ടില്ല. സിനിമ തീരുവോളം നല്ല സഹകരണമാണ് നയന്താരയുടെ ഭാഗത്ത് നിന്നും ഉണ്ടായിട്ടുള്ളത. മറ്റ് നടിമാരെ പോലെ കാരവാനില് പോയിരുന്ന് സമയം കളയില്ല. സംവിധായകന് സത്യന് അന്തിക്കാട്, സിദ്ദിഖ് പാണ്ഡിരാജ് തുടങ്ങിയവര് നയന്താരയ്ക്ക് 'ഗുഡ് സര്ട്ടിഫിക്കറ്റ്' എപ്പോഴേ തന്നതാണ്.
https://www.facebook.com/Malayalivartha