കോവിഡ് 19 വ്യാപിക്കുന്ന സമയത്ത് ഫ്‌ളാറ്റുകളില്‍ താമസിക്കുന്നവര്‍ ശ്രദ്ധിക്കേണ്ട കാര്യങ്ങള്‍ ഇവയാണ്. രോഗ ലക്ഷണം പ്രകടിപ്പിക്കുന്നവരും ലക്ഷണം പ്രകടിപ്പിക്കാത്ത വൈറസ് വാഹകരും സമൂഹത്തിലുണ്ട്...

ഈയിടെ നടന്ന പഠനങ്ങൾ അനുസരിച്ച് കോവിഡ് പകരുന്നത് 45 ശതമാനത്തോളം രോഗലക്ഷണങ്ങൾ പ്രകടമാകുന്നതിനു മുൻപുള്ള ഘട്ടത്തിലാണ്. 40 ശതമാനത്തോളം രോഗലക്ഷണങ്ങൾ ഉള്ളവരിൽ നിന്ന് , 10 ശതമാനത്തോളം രോഗലക്ഷണങ്ങൾ ഒന്നും തന്നെ ഇല്ലാത്തവരിൽ നിന്ന്, വേറൊരു 5 ശതമാനം അന്തരീക്ഷത്തിൽ നിന്നോ പ്രതലങ്ങളിൽ നിന്നോ എന്നിങ്ങനെയാണത്രെ പകരുക.. അതുകൊണ്ടു തന്നെ തീർച്ചയായും നമ്മൾ ശാരീരിക അകലം പാലിക്കണം

സെക്യൂരിറ്റി ഏരിയയില്‍ സാനിറ്റൈസര്‍ ഉണ്ടെന്നു ഉറപ്പുവരുത്തേണ്ടതാണ് . കൊറോണ വൈറസ് വ്യാപനപശ്ചാത്തലത്തില്‍ സാനിറ്റൈസര്‍ ഉപയോഗിക്കുന്നത് ഒരു ശീലമാക്കണം. പുറത്ത് പോകുന്നതിന് മുന്‍പും ശേഷവും കൈകള്‍ സാനിറ്റൈസ് ചെയ്യണം ..ഫ്‌ളാറ്റിന്റെ എല്ലാ നിലയിലും സാനിറ്റൈസര്‍ ഉണ്ടായിരിക്കണം

കഴിവതും ലിഫ്റ്റ് ഉപയോഗിക്കാതിരിക്കുക.പടികള്‍ കയറുമ്പോള്‍ കൈവരിയില്‍ സ്പര്‍ശിക്കരുത് ലിഫ്റ്റിനുള്ളില്‍ മറ്റാളുകളുണ്ടെങ്കിൽ സാമൂഹിക അകലം പാലിക്കുക. ലിഫ്റ്റ് ഉപയോഗിക്കുന്നതിന് മുന്‍പും ശേഷവും കൈകള്‍ സാനിറ്റൈസ് ചെയ്യുക......

പുറത്തുപോയി വരുന്നവര്‍ കൈകാലുകളും മുഖവും കഴുകി വസ്ത്രങ്ങള്‍ സോപ്പ് ഉപയോഗിച്ച് കഴുകി വെയിലത്തുണക്കുക. കുളിക്കുകയും വേണം. സ്വിമ്മിങ് പൂള്‍, ജിം തുടങ്ങിയ പൊതുഇടങ്ങളില്‍ ആരെയും പ്രവേശിക്കാന്‍ അനുവദിക്കരുത്. ......

റൂം ക്വാറന്റൈനില്‍ ഉള്ളവര്‍ക്ക് ആവശ്യമായ സഹായങ്ങളും മാനസിക പിന്തുണയും നല്‍കുക. അവരെയും അവരുടെ കുടുംബത്തെയും ഒറ്റപ്പെടുത്തരുത്. അതേസമയം ക്വാറന്റൈനിലുള്ളവര്‍ പൊതുഇടങ്ങളില്‍ എത്തുന്നില്ല എന്ന് ഉറപ്പുവരുത്തുകയും വേണം

60 വയസ്സിന് മുകളില്‍ പ്രായമുള്ളവര്‍, അസുഖമുള്ളവര്‍, ഗര്‍ഭിണികള്‍, 10 വയസ്സിന് താഴെയുള്ള കുട്ടികള്‍ എന്നിവര്‍ കഴിയുന്നതും പുറത്തിറങ്ങാതിരിക്കുക. നിര്‍ബന്ധമായും എല്ലായ്പ്പോഴും മാസ്‌ക് ധരിക്കണം