കു​വൈ​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ ഡി​പ്പാ​ര്‍​ച്ച​ര്‍ ഗേ​റ്റു​ക​ള്‍ പു​റ​പ്പെ​ടു​ന്ന​തി​നു 20 മി​നി​റ്റു മു​മ്പ്​ അ​ട​ക്കു​മെ​ന്ന്​ വ്യക്തമാക്കി ഡി.​ജി.​സി.​എ രംഗത്ത് എത്തിയിരിക്കുകയാണ്. വി​മാ​നം പു​റ​പ്പെ​ടു​ന്ന​തി​ന്​ ഒ​രു മണി​ക്കൂ​ര്‍ മു​മ്പ്​തന്നെ ചെ​ക് ഇ​ന്‍ കൗ​ണ്ട​റു​ക​ള്‍ അ​ട​ക്കു​മെ​ന്നും ഡി.​ജി.​സി.​എ അറിയിക്കുകയുണ്ടയി .

ജ​ന​റ​ല്‍ ഡ​യ​റ​ക്ട​റേ​റ്റ് ഓ​ഫ് സി​വി​ല്‍ ഏ​വി​യേ​ഷ​ന്‍ ട്വി​റ്റ​ര്‍ ഹാ​ന്‍​ഡി​ല്‍ വ​ഴി ന​ട​ത്തു​ന്ന ചോ​ദ്യോ​ത്ത​ര പ​രി​പാ​ടി​യി​ലാ​ണ് ഇ​ക്കാ​ര്യ​ങ്ങ​ള്‍ വ്യ​ക്ത​മാ​ക്കി​യിരിക്കുന്നത്. വി​മാ​നം പു​റ​പ്പെ​ടു​ന്ന​തി​ന്​ ഒ​രു മ​ണി​ക്കൂ​ര്‍ മു​മ്പ് തന്നെ ബാ​ഗേ​ജ് ചെ​ക് ഇ​ന്‍ പൂ​ര്‍​ത്തി​യാ​ക്ക​ണം എന്നതാണ് പ്രധാനപ്പെട്ട നിർദ്ദേശം. പു​റ​പ്പെ​ടാ​നു​ള്ള സ​മ​യ​ത്തി​​ന്റെ ഒ​രു മ​ണി​ക്കൂ​ര്‍ മു​മ്പ് കൗ​ണ്ട​ര്‍ ക്ലോ​സ് ചെ​യ്യുന്നതായിരിക്കും.

അതോടൊപ്പം തന്നെ ഡി​പ്പാ​ര്‍​ച്ച​ര്‍ ഗേ​റ്റ് വി​മാ​നം പു​റ​പ്പെ​ടു​ന്ന​തി​നു 20 മി​നി​റ്റ് മുമ്പ് അ​ട​ക്കു​ന്നതായിരിക്കും. നേ​ര​ത്തേ ബാ​ഗേ​ജ് ചെ​ക് ഇ​ന്‍ ചെ​യ്ത ആ​ളാ​ണെ​ങ്കി​ലും പു​റ​പ്പെ​ട​ല്‍ സ​മ​യ​ത്തി​നു 20 മി​നി​റ്റ് മു​മ്ബ്​ ഗേ​റ്റി​ല്‍ റി​പ്പോ​ര്‍​ട്ട് ചെ​യ്തി​ല്ലെ​ങ്കി​ല്‍ യാ​ത്ര ചെ​യ്യാ​ന്‍ അ​നു​വ​ദി​ക്കുന്നതല്ല. ആ​റു​ വ​യ​സ്സി​ല്‍ താ​ഴെ​യു​ള്ള കു​ട്ടി​ക​ള്‍​ക്ക് പി.​സി.​ആ​ര്‍ സ​ര്‍​ട്ടി​ഫി​ക്ക​റ്റ് നി​ര്‍​ബ​ന്ധ​മി​ല്ലെ​ന്നും ഡി.​ജി.​സി.​എ വ്യ​ക്ത​മാ​ക്കി.

കൂടാതെ ബൂ​സ്റ്റ​ര്‍ ഡോ​സ് എ​ടു​ത്തി​ട്ടി​ല്ലാ​ത്ത സ്വ​ദേ​ശി​ക​ള്‍​ക്ക് ര​ണ്ടാ​മ​ത്തെ ഡോ​സ് സ്വീ​ക​രി​ച്ച്‌​ ഒ​മ്ബ​തു മാ​സം പൂ​ര്‍​ത്തി​യാ​കു​ന്ന​തു​വ​രെ വി​ദേ​ശ​യാ​ത്ര അ​നു​വ​ദി​ക്കു​മെ​ന്നും ഒ​മ്പ​തു മാ​സം പൂ​ര്‍​ത്തി​യാ​യാ​ല്‍ യാ​ത്രാ​നു​മ​തി​ക്ക് ബൂ​സ്റ്റ​ര്‍ ഡോ​സ് നി​ര്‍​ബ​ന്ധ​മാ​ണെ​ന്നും ചോ​ദ്യ​ത്തി​ന് ഉ​ത്ത​ര​മാ​യി അ​ധി​കൃ​ത​ര്‍ വി​ശ​ദീ​ക​രി​ക്കുകയുണ്ടായി.