കൊയിലാണ്ടിയില് കോളജ് വിദ്യാര്ത്ഥിനി വീടിനുള്ളില് മരിച്ച നിലയില്
കൊയിലാണ്ടിയില് കോളജ് വിദ്യാര്ഥിനിയെ മരിച്ച നിലയില് കണ്ടെത്തി. കോഴിക്കോട് കൊയിലാണ്ടി പൊയില്കാവ് എടക്കുളം ചാലില് പറമ്പില് അനില് കുമാര്, ലിസി ദമ്പതികളുടെ മകള് ശ്രീനന്ദയാണ് (21) മരിച്ചത്. വീട്ടില് തൂങ്ങി മരിച്ച നിലയില് ആണ് കണ്ടെത്തിയത്.
ഇന്നലെ വൈകിട്ടായിരുന്നു സംഭവം. കൊയിലാണ്ടി ശ്രീനാരായണ ഗുരുദേവ കോളജിലെ അവസാന വര്ഷ സൈക്കോളജി ബിരുദ വിദ്യാര്ഥിയാണ് ശ്രീനന്ദ. കോളേജില് നിന്ന് തിരിച്ചെത്തിയ ശ്രീനന്ദയെ സമീപത്തെ ക്ഷേത്രത്തിലെ ഉത്സവത്തിന് പോകാന് രക്ഷിതാക്കള് വിളിച്ചെങ്കിലും പോകാന് വിസമ്മതിക്കുകയായിരുന്നു.
ശേഷം രക്ഷിതാക്കള് ഉത്സവത്തിന് പോയിരുന്നു. വീട്ടില് തിരികെ എത്തിയ പിതാവാണ് ശ്രീനന്ദ തൂങ്ങി മരിച്ച നിലയില് കണ്ടെത്തിയത്. ഉടന് തന്നെ വാതില് തകര്ത്തു ആശുപത്രിയില് എത്തിച്ചേക്കിലും ജീവന് രക്ഷിക്കാനായില്ല.
പെണ്കുട്ടിയുടെ നെറ്റിയിലും താടിയിലും എല്ലാം മുറിവുകള് ഉണ്ട്. ഇത് മരണത്തില് ദുരൂഹത വരുത്തുകയാണ്. മൃതദേഹം പോസ്റ്റ് മോര്ട്ടത്തിന് ശേഷം വീട്ടുകാര്ക്ക് വിട്ടു നല്കുന്നതാണ്.
https://www.facebook.com/Malayalivartha
