സൗദിയിലെ ഏറ്റവും വലിയ പുരസ്‌കാരമായ കിങ്​ ഫൈസല്‍ അന്താരാഷ്‌ട്ര പുരസ്​കാരങ്ങള്‍ പ്രഖ്യാപിച്ചു.ക്ക ഗവര്‍ണറും അവാര്‍ഡ്​ കമ്മിറ്റി സി.ഇ.ഒയുമായ അമീര്‍ ഖാലിദ്​ അല്‍ ഫൈസലാണ് പുരസ്‌ക്കാരങ്ങൾ പ്രഖ്യാപിച്ചത്.ഇസ്​ലാമിക സേവനം, ഇസ്​ലാമിക പഠനം, സയന്‍സ്​, മെഡിസന്‍, അറബി ഭാഷ സാഹിത്യം എന്നീ മേഖലകളിലെ മികച്ച സംഭാവനക്ക്​ ആറ്​ പേര്‍ക്കാണ്​ പുരസ്​കാരം.ജനറല്‍ സെക്രട്ടറി ഡോ. അബ്​ദുല്‍ അസീസ്​ അല്‍ സബൈലും പ്രഖ്യാപനച്ചടങ്ങില്‍ പങ്കെടുത്തു.

ഇസ്​ലാമിക സേവനത്തിന്​ ആഫ്രിക്കയിലെ ഇൻറർ നാഷനൽ യൂനിവേഴ്​സിറ്റിക്കാണ് അവാർഡ്​​. ഡോ. അബ്​ദുൽ അലി മുഹമ്മദ്​ വദ്​ഗീരി (മൊറോക്കോ മുഹമ്മദ്​ അഞ്ചാമൻ യൂണിവേഴ്​സിറ്റി) ഡോ. മഹ്​മൂദ്​ ഫഹ്​മി ഹിജാസി (കൈറോ യൂണിവേഴ്​​സിറ്റി) എന്നിവർക്കാണ്​ അറബി ഭാഷക്കും സാഹിത്യത്തിനുമുള്ള ഇൗ വർഷത്തെ പുരസ്​കാരം. മെഡിസിന്‍ വിഭാഗത്തില്‍ അമേരിക്കയിലെ പ്രഫ. ബിയോറന്‍ റീനോ ഒാള്‍സന്‍, സ്​റ്റീവന്‍ ടീറ്റെല്‍ ബൗണ്‍, രസതന്ത്രത്തില്‍ അമേരിക്കയിലെ പ്രഫ.അലന്‍ ജോസഫ്​ ബാര്‍ഡ്​, പ്രഫ. ജോണ്‍. എം.ജെ ഫ്രേഷറ്റ്​ എന്നിവരാണ് ​പുരസ്‌ക്കാരത്തിന് അർഹരായവർ. 7.5 ലക്ഷം സൗദി റിയാലും 25 പവൻ സ്വര്‍ണപ്പതക്കവും പ്രശസ്തി പത്രവും ഉള്‍പ്പെടുന്നതാണ് കിങ്​ ഫൈസല്‍ അവാര്‍ഡ്.

1979 മുതലാണ്​ ഈ അവാർഡ്​ നിലവിൽ വന്നത്​. ഇതിനോടകം 43 രാഷ്​ട്രങ്ങളിലെ 253പ്രതിഭകൾ അവാർഡ്​ നേടി കഴിഞ്ഞു . പ്രഥമ അവാർഡ്​ അബുൽ അഅ്​ല മൗദൂദിക്കായിരുന്നു. റിയാദിലെ ഫൈസലിയ ഹോട്ടലിൽ അമീർ സുൽത്താൻ ഹാളിലായിരുന്നു 41ാമത് അവാർഡ് പ്രഖ്യാപനം. 1975ല്‍ അന്തരിച്ച സൗദി രാഷ്​ട്ര ശില്‍പികളിലൊരാളായ അമീർ ഫൈസലി​​െൻറ പേരിലുള്ള കിങ്​ ഫൈസല്‍ ഫൗണ്ടേഷനാണ് തുടക്കം മുതൽ അവാർഡുകൾ നല്‍കി വരുന്നത്.