ഇമ്രാന്റെ കൊടുംചതി, കൊടുക്കണ്ടേ അടിക്ക് തിരിച്ചടി; ഇന്ത്യ കര്‍ത്താര്‍പുര്‍ ഇടനാഴി ഗുരുനാനാക് ഭക്തര്‍ക്ക് തുറന്നുകൊടുക്കുന്നതില്‍ പാക്കിസ്ഥാന്‍ കാട്ടിയ അമിത താത്പര്യത്തിനു പിന്നില്‍ ഇന്ത്യ വിരുദ്ധ പ്രവര്‍ത്തനം ശക്തിപ്പെടുത്തുക എന്ന അജന്‍ഡയെന്ന് റിപ്പോര്‍ട്ട്
കര്‍ത്താര്‍പുര്‍ ഇടനാഴിക്ക് പിന്നിലെ പാക് ലക്ഷ്യം ഖലിസ്ഥാന്‍ അജണ്ട ശക്തിപ്പെടുത്തി ഇന്ത്യ വിരുദ്ധ പ്രവര്‍ത്തനം ശക്തിപ്പെടുത്തലോ? പാക്കിസ്ഥാന്‍ വീഡിയോയില്‍ ഭിന്ദ്രന്‍വാല അടക്കം ഭീകരര്‍. പ്രതിഷേധിച്ച് ഇന്ത്യ കര്‍ത്താര്‍പുര്‍ ഇടനാഴി ഗുരുനാനാക് ഭക്തര്‍ക്ക് തുറന്നുകൊടുക്കുന്നതില്‍ പാക്കിസ്ഥാന്‍ കാട്ടിയ അമിത താത്പര്യത്തിനു പിന്നില്‍ ഇന്ത്യ വിരുദ്ധ പ്രവര്‍ത്തനം ശക്തിപ്പെടുത്തുക എന്ന അജന്‍ഡയെന്ന് റിപ്പോര്‍ട്ട്.
സിഖ് മതക്കാരുടെ വികാരം മുതലെടുത്ത് ഇന്ത്യയില്‍ വിഘടനവാദം നടത്താനുള്ള പാക്കിസ്ഥാന്‍ നീക്കത്തിന്റെ കൂടുതല്‍ തെളിവുകള്‍ പുറത്തു വന്നു. കര്‍ത്താപുര്‍ ഇടനാഴി ഉദ്ഘാടനവുമായി ബന്ധപ്പെട്ട പാക്കിസ്ഥാന്‍ സര്‍ക്കാര്‍ ഔദ്യോഗികമായി പുറത്തുവിട്ട വീഡിയോയില്‍ ഖലിസ്ഥാന്‍ തീവ്രവാദികളായ ജര്‍ണൈല്‍ സിങ് ഭിന്ദ്രന്‍വാല അടക്കം ഭീകരരുടെ ദൃശ്യങ്ങളും. ഭ്രിന്ദ്രന്‍വാലയെ കൂടാതെ മേജര്‍ ജനറല്‍ ഷാബേഗ് സിങ്, അമ്രിക സിങ് ഖല്‍സ എന്നിവരുടെ ചിത്രങ്ങളും വീഡിയോയില്‍ ഉണ്ട്. പാക്കിസ്ഥാന്‍ വാര്‍ത്താ വിതരണ മന്ത്രാലയം വീഡിയോ പുറത്തുവിട്ടതോടെ ഇന്ത്യന്‍ ഗവണ്‍മെന്റ് പ്രതിഷേധവുമായി രംഗത്തെത്തി. വിഷയത്തില്‍ നയതന്ത്ര തലത്തില്‍ പ്രതിഷേധം അറിയിക്കാനാണ് ഇന്ത്യന്‍ തീരുമാനം. കര്‍ത്താര്‍പുര്‍ ഇടനാഴിയുടെ ഇന്ത്യയുടെ ഭാഗം പ്രധാനമന്ത്രി നരേന്ദ്രമോദി ഈ മാസം എട്ടിന് നടത്താനിരിക്കേയാണ് പാക്കിസ്ഥാന്‍ ഈ വീഡിയോ പുറത്തുവിടുന്നത്. സിഖ് മതവിഭാഗമായ ദംദാമി തക്സാലിന്റെ നേതാവായിരുന്നു ഭിന്ദ്രന്‍വാല. മേജര്‍ ജനറല്‍ ഷാബേഗ് സിംഗ് മുന്‍പ് കരസേനയില്‍ ജനറല്‍ ആയിരുന്നു. എന്നാല്‍ അഴിമതികേസില്‍ പെട്ടതോടെ വിരമിക്കുന്നതിനു തൊട്ടുമുന്‍പ് അദ്ദേഹത്തെ പുറത്താക്കുകയായിരുന്നു. ഇതോടെ 1984ല്‍ ഷാബേഗ് ഖാലിസ്താനില്‍ പ്രസ്ഥാനത്തില്‍ ചേര്‍ന്നു. അമ്രിക് സിംഗ് ഖാലിസ്താനി വിദ്യാര്‍ത്ഥി നേതാവായിരുന്നു. നിലവിലെ ഓള്‍ ഇന്ത്യ സിഖ് സ്റ്റുഡന്റസ് ഫെഡറേഷന്‍ എന്ന നിരോധിത സംഘടനയുടെ തലവനായിരുന്നു. 1984ല്‍ അമൃത്സറില്‍ നടന്ന ബ്ലൂ സ്റ്റാര്‍ ഓപ്പറേഷനിലാണ് ഇവര്‍ മൂന്നു പേരും കൊല്ലപ്പെട്ടത്.
കര്‍ത്താര്‍പുര്‍ ഇടനാഴിയില്‍ പഞ്ചാബ് മുഖ്യമന്ത്രി ക്യാപ്റ്റന്‍ അമരീന്ദര്‍ സിംഗ് മുന്‍പും ആശങ്ക പ്രകടിപ്പിച്ചിരുന്നു. ഇടനാഴി പാകിസ്താന്‍ സിഖ് തീവ്രവാദത്തിനായി തുറന്നുകൊടുത്തേക്കുമെന്നായിരുന്നു ആശങ്ക. ഈ പാത തുറന്നുകൊടുക്കാനുള്ള പാക്കിസ്ഥാന്റെ ഉദ്ദേശശുദ്ധിയില്‍ വിവിധ രഹസ്യാന്വേഷണ ഏജന്‍സികളും വിദഗ്ധരും പല തവണ സംശയം പ്രകടിപ്പിച്ചിരുന്നു. സിഖ്സ് ഫോര്‍ ജസ്റ്റിസ് എന്ന തീവ്ര സ്വഭാവമുള്ള ഗ്രൂപ്പിനെ പാക്കിസ്ഥാന്‍ ഹൈജാക്ക് ചെയ്യുമെന്ന സംശയവും ഇന്ത്യന്‍ രഹസ്യാന്വേഷണ ഏജന്‍സികള്‍ക്കുണ്ട്.
https://www.facebook.com/Malayalivartha
