ഇരട്ടക്കൊലപാതകം നടത്തിയ കൗമാരക്കാരനായ പ്രതി അമേരിക്കന് പോലീസിനെ വെട്ടിച്ചു കടന്നു
ജുവനൈല് കോടതിയില് ഹാജരാക്കുന്നതിനിടെ ഇരട്ട കൊലപാതക കേസിലെ പ്രതി അധികൃതരുടെ കണ്ണുവെട്ടിച്ചു കടന്നുകളഞ്ഞു. കാലില് ചങ്ങലയിട്ടിരുന്ന, ചെരിപ്പ് ഉപയോഗിക്കാത്ത, ജെറിക്കൊ റോബ്സണ് എന്ന പതിമൂന്നുകാരന് കൗണ്ടി കോര്ട്ട് ഹൗസില് നിന്നു പുറത്തു കടക്കുന്നതിനിടയിലാണ് ഇക്കഴിഞ്ഞ നവംബര് അഞ്ചിനായിരുന്നു രക്ഷപ്പെട്ടത്.
34-കാരനായ ഫ്രാങ്ക് തോമസ്, 33-കാരനായ ആഡം തോമസ് എന്നീ സഹോദരന്മാര് വീട്ടില് കൊല്ലപ്പെട്ടതിനെ തുടര്ന്ന് ഒക്ടോബര് 14-നാണ് ജെറിക്കൊയെ ഇരട്ട കൊലപാതക കുറ്റം ചുമത്തി പോലീസ് അറസ്റ്റു ചെയ്തത്.
പ്രതികള് പ്രായപൂര്ത്തിയാകാത്ത കുട്ടികളാണെങ്കില് അവരുടെ ചിത്രം പ്രസിദ്ധീകരിക്കരുതെന്ന നിയമം ഉണ്ടെങ്കിലും പതിമൂന്നുകാരന് അപകടകാരിയാണെന്നും പിടികൂടാന് സഹായിക്കണമെന്നും അഭ്യര്ഥിച്ച് നോര്ത്ത് കരോളൈന ഡിപ്പാര്ട്ട്മെന്റ് ഓഫ് പബ്ലിക് സേഫ്റ്റി ജെറിക്കൊയുടെ ചിത്രം പരസ്യപ്പെടുത്തിയിട്ടുണ്ട്.
അഞ്ചടി ഉയരവും 110 പൗണ്ടുമുള്ള ജെറിക്കൊയെകുറിച്ചു അറിവ് ലഭിക്കുന്നവര് 911-ളിലേക്ക് വിളിച്ചു അറിയിക്കണമെന്ന് അധികൃതര് ആവശ്യപ്പെട്ടു. പോലീസ് പ്രതിക്കുവേണ്ടിയുള്ള തിരച്ചില് ഊര്ജിതപ്പെടുത്തിയിട്ടുണ്ട്.
https://www.facebook.com/Malayalivartha