കമിതാക്കളുടെ പ്രണയത്തോട് യുവതിക്ക് പരിഹാസം, അതോടെ അവരുടെ പ്രണയത്തെ വാഴ്ത്താന്‍ ലോകം ഒന്നാകെ എത്തി!
ഉള്ളത് പങ്കുവെച്ച് സന്തോഷത്തോടെ ജീവിക്കുന്ന നിരവധിപ്പേരുണ്ട്. അങ്ങനെയുള്ള ഒരു സ്‌നേഹത്തെ അപമാനിക്കാന്‍ നോക്കിയതാണ് മാധ്യമപ്രവര്‍ത്തകയായ അനേല്‍ എന്ന യുവതി. പക്ഷേ, സമൂഹം യഥാര്‍ഥ സ്‌നേഹത്തോടൊപ്പം എങ്ങനെ ഒന്നിച്ചു നില്‍ക്കുമെന്ന് അനേലിന് മനസ്സിലാക്കാന്‍ ഈ സംഭവം ഇടയായി.
ദക്ഷിണാഫ്രിക്കന്‍ സ്വദേശിയായ ഹെക്ടര്‍ എന്ന യുവാവ് തന്റെ പ്രിയതമ നോണ്‍ലാന്‍ലയോട് വിവാഹാഭ്യര്‍ഥന നടത്താനായി അവളേയും കൂട്ടി സമീപത്തെ കെഎഫ്‌സിയില്‍ എത്തി. അവിടെ വച്ച് ഹെക്ടര്‍ നോണ്‍ലാന്‍ലയോട് വിവാഹാഭ്യര്‍ഥന നടത്തി. ഹൃദ്യമായ ആ രംഗത്തിനു സാക്ഷിയായവര്‍ കയ്യടിച്ചും ആര്‍പ്പു വിളിച്ചും സന്തോഷം പ്രകടിപ്പിച്ചു. നോണ്‍ലാന്‍ല സമ്മതം അറിയിച്ചതോടെ ആ ദിവസം മനോഹരമായി. ഹെക്ടറിന്റെയും നോണ്‍ലാന്‍ലയുടെയും ജീവിതത്തിലെ വൈകാരികമായ നിമിഷങ്ങള്‍ ഒരാള്‍ മൊബൈല്‍ ക്യാമറയില്‍ പകര്‍ത്തിയിരുന്നു. അത് സമൂഹമാധ്യമങ്ങളില്‍ പങ്കുവയ്ക്കുകയും ചെയ്തു. അതു കണ്ട് നിരവധിപ്പേര്‍ ഇവര്‍ക്ക് ആശംസകള്‍ അറിയിക്കുകയും ചെയ്തു.
മാധ്യമപ്രവര്‍ത്തകയായ അനേല ഈ വിഡിയോ തന്റെ സമൂഹമാധ്യമ അക്കൗണ്ടില്‍ പങ്കുവച്ചത് ഇവരെ പരിഹസിച്ചു കൊണ്ടാണ്. വിവാഹാഭ്യര്‍ഥന നടത്താന്‍ കെഎഫ്‌സി തിരഞ്ഞെടുത്തതാണ് അനേലിന്റെ പരിഹാസത്തിനു കാരണം. ''ദക്ഷിണാഫ്രിക്കയിലെ പരുഷന്മാര്‍ തകര്‍ന്നിരിക്കുന്നു, കെഎഫ്‌സിയില്‍ പോലും അവര്‍ വിവാഹാഭ്യര്‍ഥന നടത്തുന്നു. കെഎഫ്‌സിയില്‍ പ്രൊപ്പോസ് ചെയ്യുന്നവര്‍ക്ക് തീരെ നിലവാരമില്ല'' എന്നായിരുന്നു അനേലിന്റെ ട്വീറ്റ്.
ഇതോടെ കനത്ത വിമര്‍ശനങ്ങളാണ് അനേലിനെ തേടിയെത്തിത്. സമൂഹമാധ്യമങ്ങളില്‍ അനേല്‍ കനത്ത പ്രതിഷേധം നേരിട്ടു. അതു മാത്രമല്ല, ഹെക്ടറിന്റെയും നോണ്‍ലാന്‍ലയുടെയും ജീവിതത്തിലും മാറ്റങ്ങള്‍ ഉണ്ടായി. നിരവധിപ്പേര്‍ ഇവരുടെ വിവാഹ ചെലവ് വഹിക്കാന്‍ തയാറായി രംഗത്തെത്തി. രാജ്യാന്തര ബ്രാന്‍ഡുകള്‍ വരെ ഇക്കൂട്ടത്തില്‍ ഉണ്ട്. ആഭരണങ്ങള്‍, ഗിഫ്റ്റ് വൗച്ചറുകള്‍, മൊബൈല്‍, ഹണിമൂണ്‍ പാക്കേജ്, വിവാഹസദ്യ, വസ്ത്രങ്ങള്‍ എന്നിങ്ങനെ എല്ലാത്തിനും സ്‌പോണ്‍സര്‍മാര്‍ രംഗത്തെത്തി. ഹെക്ടറിന്റെ വായ്പ ബാങ്ക് എഴുതി തള്ളുകയും ചെയ്തു. രാജ്യാന്തരമാധ്യമങ്ങളില്‍ ഇതെല്ലാം വാര്‍ത്തയായി.
അനേല്‍ തന്റെ തെറ്റിന് മാപ്പു ചോദിച്ച് പിന്നീട് രംഗത്തെത്തി. എന്നാല്‍ തങ്ങള്‍ക്കു ലഭിച്ച ഭാഗ്യത്തിന് അനേലിന് നന്ദിയുണ്ടെന്നാണ് ഹെക്ടറും നോണ്‍ലാന്‍ലയും പ്രതികരിച്ചത്.
https://www.facebook.com/Malayalivartha
