സ്വന്തം കുഞ്ഞിന്റെ ശരീരം ആസിഡിലിട്ട് ദ്രവിപ്പിച്ചു കളഞ്ഞ മാതാപിതാക്കള്ക്ക് ജയില്ശിക്ഷ
അമേരിക്കയിലെ ടെക്സാസില് രണ്ടു വയസുള്ള മകളുടെ ശരീരം ആസിഡില് ഇട്ട് അലിയിച്ചു കളഞ്ഞ മാതാപിതാക്കളെ ജയിലിലടച്ചു. പിതാവ് സവാല ലൊറിഡൊ (32) യ്ക്ക് 14 വര്ഷവും മാതാവ് മോനിക്ക ഡൊമിങ്കസിന് 20 വര്ഷവുമാണ് ജയില് ശിക്ഷ. ഇരുവരും കുറ്റസമ്മതം നടത്തിയതിനാലാണ് ശിക്ഷ ഇത്രയും കുറഞ്ഞത്.
ഇവരുടെ പേരില് കൊലപാതക കുറ്റം ചുമത്തിയിരുന്നില്ല. ഒപ്പം ആരുമില്ലാതെ ബാത്ത് ടബില് കുളിയ്ക്കുന്നതിനിടെ കുട്ടി മുങ്ങി മരിക്കുകയായിരുന്നുവെന്ന് മാതാവും പിതാവും പറഞ്ഞു. മരണകാരണം കണ്ടുപിടിക്കാനായി കൂടുതല് പരിശോധന നടത്താനാവാത്ത വിധത്തില് മൃതദേഹം ദ്രവിച്ചുപോയിരുന്നു.
ബെഡ്റൂം ക്ലോസറ്റില് നിന്നാണ് അഞ്ചു ഗ്യാലന് ആസിഡിന്റെ ബാരലും അതിനകത്ത് അഴുകി ദ്രവിച്ച കുട്ടിയുടെ ശരീരവും കണ്ടെത്തിയത്. കുട്ടി ബാത്ത്റൂമില് അപകടത്തില്പെട്ട് മരിച്ചുവെന്ന് ഭര്ത്താവിനെ അറിയിച്ചുവെന്നും മരണ ശേഷം കുട്ടിയുടെ ശരീരം ഉപേക്ഷിക്കാന് ഭര്ത്താവിനോട് ആവശ്യപ്പെട്ടതായും മാതാവ് മോനിക്ക പറഞ്ഞു.
ഇവര്ക്ക് ഈ കുട്ടിയെ കൂടാതെ ഒന്നു മുതല് 11 വരെ പ്രായമുള്ള നാല് കുട്ടികളുണ്ട്. കുട്ടികളെ ചൈല്ഡ് പ്രൊട്ടക്റ്റീവ് സര്വീസ് ഏറ്റെടുത്തു.
https://www.facebook.com/Malayalivartha