സ്കോട്ടിഷ് ബീച്ചില് ചത്തടിഞ്ഞ തിമിംഗലത്തിന്റെ വയറ്റില് ഉണ്ടായിരുന്നത് നൂറുകിലോ ഖരമാലിന്യം!
സ്കോട്ലന്ഡിലെ ഒരു ബീച്ചില് 20 ടണ്ണോളം ഭാരമുള്ള സ്പേം വേയ്ല് വിഭാഗത്തില് പെട്ട തിമിംഗലം ചത്തു തീരത്തടിഞ്ഞു. ഈ കൂറ്റന് തിമിംഗലത്തിന്റെ വയറ്റിനുള്ളില് നിന്ന് കണ്ടെടുത്ത ഖരമാലിന്യത്തിന്റെ അളവ് കണ്ടാല് നാം നമ്മുടെ ഭൂമി എന്ന ഗ്രഹത്തോട് ചെയ്തു കൊണ്ടിരിക്കുന്ന ദ്രോഹത്തിന്റെ വ്യാപ്തി മനസ്സിലാകും. നൂറുകിലോയ്ക്ക് മുകളില് മാലിന്യമാണ് ആ തിമിംഗലത്തിന്റെ വയറ്റില് നിന്നും കണ്ടെത്തിയത്്. ഇതില് പ്ലാസ്റ്റിക് മാലിന്യത്തിന്റെ തോത് വളരെ കൂടുതലാണെന്നതും ആശങ്കയേറ്റുന്നു. . ഇത്രത്തോളം മാലിന്യം കണ്ടെത്തിയത്.
തിമിംഗലങ്ങളുടെയും ഡോള്ഫിനുകളുടെയും മരണത്തെക്കുറിച്ച് അന്വേഷിക്കുന്ന സ്കോട്ടിഷ് മറൈന് ആനിമല് സ്ട്രാന്ഡിങ് സ്കീം എന്ന സംഘടന ഫെയ്സ്ബുക്കിലൂടെ പങ്കുവച്ച ഈ തിമിംഗലത്തിന്റെ ദൃശ്യങ്ങള് സമുദ്രത്തില് പ്ലാസ്റ്റിക് സൃഷ്ടിക്കുന്ന മലിനീകരണം അതിരൂക്ഷമായതിന്റെ തെളിവാണെന്ന് അധികൃതര് ചൂണ്ടിക്കാണിക്കുന്നു. പ്ലാസ്റ്റിക് ബോട്ടിലുകളും മത്സ്യബന്ധന വലകളുടെ അവശിഷ്ടവും തിമിംഗലത്തിന്റെ വയറിനുള്ളില് നിന്നു ലഭിച്ചിരുന്നു.
നൂറ് കിലോയോളം വരുന്ന പ്ലാസ്റ്റിക് മാലിന്യങ്ങള് തിമിംഗലത്തിന്റ വയറിനുള്ളില് പന്തുപോലെ കെട്ടിക്കിടക്കുകയായിരുന്നെന്ന് ഇവര് വ്യക്തമാക്കി. വയറിനുള്ളില് മാലിന്യങ്ങള് അടിഞ്ഞുകൂടി ദഹനപ്രക്രിയ തടസ്സപ്പെട്ടതാണ് തിമിംഗലത്തിന്റെ മരണകാരണമെന്നും ഇവര് വ്യക്തമാക്കി.തീരത്തടിഞ്ഞ തിമിംഗലത്തിന്റെ ശരീരം ബീച്ചില് തന്നെ സംസ്ക്കരിച്ചു.
https://www.facebook.com/Malayalivartha
