ഒ​​മാ​​നി​​ല്‍ എ​​ച്ച്‌.​​ഐ.​​വി ബാ​​ധി​​ത​​രു​​ടെ എ​​ണ്ണം അ​​ഞ്ചു ശ​​ത​​മാ​​ന​​ത്തി​​ല​​ധി​​കം വ​​ര്‍​​ധി​​ച്ച​​താ​​യി നാ​​ഷ​​ന​​ല്‍ സ്​​​റ്റാ​​റ്റി​​സ്​​​റ്റി​​ക്സ് ആ​​ന്‍​​ഡ് ഇ​​ന്‍​​ഫ​​ര്‍​​മേ​​ഷ​​ന്‍ സ​െന്‍റ​​ര്‍ പു​​റ​​ത്തു​​വി​​ട്ട ക​​ണ​​ക്കു​​ക​​ള്‍ വ്യ​​ക്ത​​മാ​​ക്കു​​ന്നു. 2017നെ ​​അ​​പേ​​ക്ഷി​​ച്ച്‌ 2018ല്‍ 5.2 ​​ശ​​ത​​മാ​​നം എ​​യ്ഡ്സ് രോ​​ഗി​​ക​​ളു​​ടെ വ​​ര്‍​​ധ​​ന​​യാ​​ണ് ഉ​​ണ്ടാ​​യി​​ട്ടു​​ള്ള​​ത്. മൊ​​ത്തം 2,927 കേ​​സു​​ക​​ള്‍ മ​​ന്ത്രാ​​ല​​യ​​ത്തി​​ല്‍ ര​​ജി​​സ്​​​റ്റ​​ര്‍ ചെ​​യ്തി​​ട്ടു​​ണ്ട്. ഇ​​തി​​ല്‍ 1,866 പേ​​ര്‍ 25നും 49​​നും ഇ​​ട​​യി​​ല്‍ പ്രാ​​യ​​മു​​ള്ള​​വ​​രാ​​ണ്.

നാ​​ലു​​​വ​​യ​​സ്സു​​വ​​രെ​​യു​​ള്ള എ​​ച്ച്‌.​​ഐ.​​വി ബാ​​ധി​​ത​​ര്‍ 69 പേ​​രാ​​ണെ​​ങ്കി​​ല്‍ അ​​ഞ്ചു​​മു​​ത​​ല്‍ 14 വ​​യ​​സ്സ്​ വ​​രെ​​യു​​ള്ള രോ​​ഗി​​ക​​ള്‍ 120 എ​​ണ്ണ​​മു​​ണ്ട്. 15 മു​​ത​​ല്‍ 24 വ​​യ​​സ്സ് വ​​രെ​​യു​​ള്ള​​വ​​രി​​ല്‍ 543 പേ​​ര്‍​​ക്കും 25 മു​​ത​​ല്‍ 49 വ​​യ​​സ്സു​​വ​​രെ​​യു​​ള്ള​​വ​​രി​​ല്‍ 1866 പേ​​ര്‍​​ക്കു​​മാ​​ണ് രോ​​ഗം സ്ഥി​​രീ​​ക​​രി​​ച്ചി​​ട്ടു​​ള്ള​​ത്. 50 വ​​യ​​സ്സി​​നു മു​​ക​​ളി​​ലു​​ള്ള 329 പേ​​രാ​​ണ് എ​​ച്ച്‌.​​ഐ.​​വി ബാ​​ധി​​ച്ച്‌ ചി​​കി​​ത്സ​​യി​​ല്‍ ക​​ഴി​​യു​​ന്ന​​തെ​​ന്നും ക​​ണ​​ക്കു​​ക​​ള്‍ ചൂ​​ണ്ടി​​ക്കാ​​ട്ടു​​ന്നു.

എയ്ഡ്സ് രോഗി എന്ന് കേള്‍ക്കുമ്ബോള്‍ത്തന്നെ നമ്മുടെ മനസില്‍ പലവിധ ചിന്തകള്‍ വരാറുണ്ട്. എന്നാല്‍ ആളുകള്‍ ധരിച്ച്‌ വച്ചിരിക്കുന്ന പല കാര്യങ്ങളും യാഥാര്‍ത്ഥ്യങ്ങളുമായി ഒരു ബന്ധവുമില്ലാത്തതാണ്.ഹ്യുമന്‍ ഇമ്മ്യൂണോ ഡെഫിഷ്യന്‍സി വൈറസ് എന്ന പേരുള്ള ഒരു വൈറസ് മൂലം ഉണ്ടാകുന്ന രോഗമാണ് എയ്ഡ്സ്. എച്ച്‌.ഐ.വി അണുബാധ മൂലം ഉണ്ടാകുന്ന ഈ രോഗം പകരുന്നത് ലൈംഗിക ബന്ധങ്ങളിലൂടെയും രോഗം ബാധിച്ച ആളുടെ രക്തം സ്വീകരിക്കുന്നതിലൂടെയും ഗര്‍ഭിണിയായ സ്ത്രീയില്‍ നിന്ന് കുഞ്ഞിലേക്കുമാണ്.

കൃത്യമായി അണുവിമുക്തമാക്കാത്ത സിറിഞ്ചുകളിലൂടെയുള്ള കുത്തിവയ്പുകളും അപൂര്‍വം അവസരങ്ങളില്‍ രോഗം പകര്‍ത്താറുണ്ട്. ശരീരത്തിനകത്തേക്ക് കയറുന്ന വൈറസ് ക്രമേണ ശരീരത്തിന്റെ പ്രതിരോധശേഷിയെ നശിപ്പിക്കുന്നു. ശ്വേതാണുക്കളിലെ ഒരു വിഭാഗമായ സിഡി 4 കോശങ്ങളുടെ അളവ് ശരീരത്തില്‍ കുറഞ്ഞുവരും. ഇങ്ങനെ പ്രതിരോധശേഷി കുറഞ്ഞുപോകുന്ന മുറയ്ക്ക് പുതിയ അണുബാധകള്‍ ശരീരത്തിലുണ്ടാവുകയും രോഗിയുടെ നില വഷളാവുകയും ചെയ്യുന്നു. ഇന്ത്യയില്‍ കൂടുതല്‍ രോഗികളും കീഴടങ്ങുന്നത് ക്ഷയരോഗത്തിലാണ്. അപൂര്‍വമായി ഫംഗസ് അണുബാധകളും കാണുന്നു.

അസുഖം ബാധിച്ചയാള്‍ക്ക് വിട്ടുമാറാത്ത പനി, വിശപ്പ് കുറവ്, ശരീരഭാരം കുറയുക, വിട്ടുമാറാത്ത വയറിളക്കം എന്നിവയാണ് സാധാരണ ലക്ഷണങ്ങള്‍. എന്നാല്‍ ചില ആളുകള്‍ക്ക് ഈ രോഗം മൂര്‍ച്ഛിക്കുന്നതുവരെ പ്രത്യേക ലക്ഷണങ്ങളൊന്നും തന്നെ കാണാറുമില്ല. ചില പ്രത്യേകതരം അണുബാധകള്‍ കൊണ്ടുണ്ടാകുന്ന മസ്തിഷ്ക ജ്വരം, ശ്വാസകോശങ്ങളിലെ അണുബാധകള്‍, ഉദരസംബന്ധമായ രോഗങ്ങള്‍ എന്നിവയും ഇത്തരം രോഗികളില്‍ കാണാറുണ്ട്.

ഈ രോഗം കൃത്യമായ രോഗനിര്‍ണയ പരിശോധനയായ എലിസ ടെസ്റ്റിലൂടെ നേരത്തേ കണ്ടുപിടിക്കാവുന്നതാണ്. ഇതാകട്ടെ എല്ലാ സര്‍ക്കാര്‍ ആശുപത്രികളിലും സൗജന്യമായി തന്നെ ചെയ്യാവുന്നതാണ്. ഇങ്ങനെ രോഗനിര്‍ണയം ചെയ്യപ്പെട്ട രോഗിയെ കൂടുതല്‍ പരിശോധനകള്‍ക്ക് വിധേയമാക്കി രോഗത്തിന്റെ തീവ്രത കണ്ടുപിടിക്കാം. മറ്റ് അണുബാധകളെ അപേക്ഷിച്ച്‌ എച്ച്‌.ഐ.വി ബാധ ഉള്ളയാള്‍ ആയുഷ്കാലം മുഴുവനും മരുന്ന് കഴിക്കണം. മുന്‍കാലങ്ങളെ അപേക്ഷിച്ച്‌ രോഗി കഴിക്കേണ്ട ഗുളികകളുടെ എണ്ണം വളരെ കുറവാണ്.

ഒന്നോ രണ്ടോ ഗുളികയേ ഒരുദിവസം രോഗി കഴിക്കേണ്ടതുള്ളൂ. എന്നാല്‍ പ്രത്യേകം ശ്രദ്ധിക്കേണ്ട കാര്യം കൃത്യമായി മരുന്നു കഴിക്കുക എന്നത് രോഗത്തെ പിടിച്ചുനിറുത്താന്‍ വളരെ അന്ത്യന്താപേക്ഷിതമാണ്. ഇങ്ങനെ കൃത്യമായി മരുന്ന് കഴിക്കുന്ന ഒരു രോഗി സാധാരണ ഒരു മനുഷ്യന്റെ ശരാശരി ആയുസ് വരെ ജീവിക്കും എന്ന് പഠനങ്ങള്‍ പറയുന്നു.

ഈ രോഗമുള്ള ഒരാളുടെ കൂടെ താമസിക്കുന്നതിലൂടെയോ, ഭക്ഷണം ഒരുമിച്ച്‌ കഴിക്കുന്നതിലൂടെയോ അസുഖം പകരുന്നതല്ല. എന്നാല്‍ രോഗി ഉപയോഗിച്ച ഷേവിംഗ് ബ്ളേഡുകള്‍, ബ്രഷുകള്‍ എന്നിവ മറ്റാരും ഉപയോഗിക്കരുത്. അസുഖം ഇല്ലാത്ത ജീവിത പങ്കാളിയുമായി ലൈംഗിക ബന്ധത്തില്‍ ഏര്‍പ്പെടുമ്ബോള്‍ ഗര്‍ഭനിരോധന ഉറകള്‍ ധരിക്കേണ്ടതാണ്. അറിയേണ്ട ഒരു വസ്തുത ഗര്‍ഭിണിയായ സ്ത്രീ കൃത്യമായി മരുന്നു കഴിച്ചാല്‍ കുഞ്ഞിന് ഈ വൈറസ് ബാധ വരാനുള്ള സാദ്ധ്യത വളരെ കുറവാണ്.

എച്ച്‌.ഐ.വി ബാധയുള്ള രോഗിയെ പൊതുസമൂഹത്തില്‍ നിന്ന് മാറ്റിനിറുത്തുന്നത് രോഗികള്‍ക്കും കുടുംബത്തിനും തീരാദുഃഖമാണ് നല്‍കുന്നത്. ഒരു ബെഞ്ചിലിരുന്ന് പഠിക്കുന്നതിലൂടെയോ ഒരു വാഹനത്തില്‍ യാത്ര ചെയ്തതിലൂടെയോ ഈ അസുഖം പകരുകയില്ല. സാധാരണ ഒരു പൗരന്റെ എല്ലാ അവകാശങ്ങളും രോഗം ബാധിച്ച മനുഷ്യര്‍ക്കും ഉണ്ട് എന്ന് തിരിച്ചറിയണം.