താന് തെറ്റൊന്നും ചെയ്തില്ല, തനിക്കെതിരായ ഇംപീച്ച്മെന്റ് അട്ടിമറി ശ്രമമെന്ന് ട്രംപ്, ഇംപീച്ച്മെന്റ് പ്രമേയത്തിന്മേല് അമേരിക്കന് ജനപ്രതിനിധി സഭയില് ചര്ച്ചകള് തുടരവേ രൂക്ഷ വിമര്ശനങ്ങളുമായി പ്രസിഡന്റ് ഡോണള്ഡ് ട്രംപ് രംഗത്ത്
താന് തെറ്റൊന്നും ചെയ്തില്ല, തനിക്കെതിരായ ഇംപീച്ച്മെന്റ് അട്ടിമറി ശ്രമമെന്ന് ട്രംപ്, ഇംപീച്ച്മെന്റ് പ്രമേയത്തിന്മേല് അമേരിക്കന് ജനപ്രതിനിധി സഭയില് ചര്ച്ചകള് തുടരവേ രൂക്ഷ വിമര്ശനങ്ങളുമായി പ്രസിഡന്റ് ഡോണള്ഡ് ട്രംപ് രംഗത്ത് . തന്റെ നേതൃത്വത്തിലുള്ള ഭരണകൂടത്തിനെതിരായ അട്ടിമറി ശ്രമങ്ങളുടെ ഭാഗമാണ് ഇംപീച്ച്മെന്റ് നീക്കമെന്ന് ട്രംപ് പറഞ്ഞു. ഇംപീച്ച്മെന്റ് നടപടികള് അകപക്ഷീയവും നിയമ വിരുദ്ധവുമാണെന്നും ട്രംപ് കുറ്റപ്പെടുത്തി.
താന് തെറ്റൊന്നും ചെയ്തിട്ടില്ലെന്നും തനിക്കെതിരെ ആരോപിക്കപ്പെട്ട കുറ്റങ്ങള് അടിസ്ഥാനരഹിതമാണെന്നും ട്രംപ് വ്യക്തമാക്കി. അടുത്ത പ്രസിഡന്റ് തെരഞ്ഞെടുപ്പില് എതിരാളിയാവാന് സാധ്യതയുള്ള ഡെമോക്രാറ്റ് നേതാവും മുന് വൈസ്പ്രസിഡന്റുമായ ജോ ബൈഡനെതിരേ അന്വേഷണത്തിന് യുക്രെയ്ന് പ്രസിഡന്റിന്റെ മേല് സമ്മര്ദം ചെലുത്തിയെന്ന ആരോപണമാണ് ട്രംപിനെതിരേയുള്ള ഇംപീച്ച്മെന്റ് അന്വേഷണത്തിലേക്കു നീങ്ങിയത്.
ബൈഡനെ താറടിക്കാനായി അധികാര ദുര്വിനിയോഗം നടത്തുകയാണു ട്രംപ് ചെയ്തതെന്നാണ് ആരോപണം. ഇതേക്കുറിച്ച് ജനപ്രതിനിധിസഭാ കമ്മിറ്റി നടത്തിയ അന്വേഷണം തടസ്സപ്പെടുത്താന് ട്രംപ് ശ്രമിച്ചുവെന്നതാണ് മറ്റൊരു കുറ്റം. 233 അംഗ ജനപ്രതിനിധി സഭയില് 197 അംഗങ്ങളുള്ള ഡെമോക്രാറ്റുകള്ക്കു ഭൂരിപക്ഷമുണ്ട്. ജനപ്രതിനിധി സഭയില് പ്രമേയങ്ങള് പാസായാല് സെനറ്റില് വിചാരണ നടത്തും. റിപ്പബ്ലിക്കന് പാര്ട്ടിക്കാണ് സെനറ്റില്ഭൂരിപക്ഷം. അതിനാല് ട്രംപിനു ഭരണത്തില് തുടരാനാകുമെന്നാണു വിലയിരുത്തപ്പെടുന്നത്.
https://www.facebook.com/Malayalivartha