ഇക്കഴിഞ്ഞ ഓഗസ്റ്റില്‍ ഫ്രാന്‍സില്‍ നിന്നും ലണ്ടന്‍ സന്ദര്‍ശിക്കാനായി എത്തിയ ആറ് വയസുകാരനെ അജ്ഞാതന്‍  ടേയ്റ്റ് മോഡേണ്‍ ആര്‍ട് ഗ്യാലറി കെട്ടിടത്തിന്റെ നൂറ് അടി മുകളില്‍ നിന്ന് എടുത്ത് താഴേക്കിട്ടു.

വീഴ്ചയുടെ ആഘാതത്തില്‍ കുട്ടിയുടെ കയ്യും കാലും ഒടിയുകയും നട്ടെല്ല് തകരുകയും ചെയ്തിരുന്നു. ഇതോടെ കുട്ടിയെ തീവ്രപരിചരണ വിഭാഗത്തില്‍ പ്രവേശിപ്പിക്കുകയായിരുന്നു.

കുട്ടി ഇപ്പോള്‍ ചില വാക്കുകള്‍ ഉച്ചരിച്ച് തുടങ്ങിയതായി ബന്ധുക്കള്‍ പറയുന്നു. സംസാരശേഷി ഭാഗികമായി തിരിച്ചുകിട്ടിയത് പ്രതീക്ഷ പകരുന്നതാണെന്ന് രക്ഷിതാക്കള്‍ കരുതുന്നു.

വേദന ഉള്‍പ്പെടെ നിരവധി ശാരീരിക പ്രശ്‌നങ്ങള്‍ നിലനില്‍ക്കുന്നുണ്ടെങ്കിലും ആരോഗ്യം വീണ്ടെടുക്കുന്നതില്‍ ഒരുപാട് പുരോഗതി കൈവരിച്ചതായും രക്ഷിതാക്കള്‍ പറയുന്നു.വീഴ്ചയില്‍ പറ്റിയ ഒടിവുകളിലും ചതവുകളിലും നിന്ന് കുട്ടി മുക്തനായി വരുന്നുവെന്നും അവര്‍ പറഞ്ഞു.

കുട്ടിയുടെ ഭാരിച്ച ചികിത്സയ്ക്കായി 1,90,000 ഡോളറാണ് സുമനസുകളില്‍ നിന്നായി സമാഹരിച്ചത്.

കുട്ടിയെ തളളിയിട്ട 18 -കാരന് എതിരെ കൊലപാതകശ്രമക്കുറ്റം ചുമത്തിയിട്ടുണ്ട്. വാര്‍ത്തയില്‍ നിറഞ്ഞു പ്രശസ്തി നേടാനാണ് താന്‍ ഇങ്ങനെ ചെയ്തതെന്ന് പ്രതി ജോണ്‍ടി ബ്രേവറി പോലീസിനോട് പറഞ്ഞു.