അതിര്‍ത്തിയിലെ ചൈനയുടെ നിലപാടിനെ ശക്തമായി വിമര്‍ശിച്ചുകൊണ്ട് ചൈനയിലെ ഇന്ത്യന്‍ അംബാസിഡര്‍. പിടിഐയ്ക്ക് നല്‍കി അഭിമുഖത്തിലാണ് ചൈനയുടെ നിലപാടിനെ രൂക്ഷമായ ഭാഷയില്‍ വിമര്‍ശിച്ച് ഇന്ത്യന്‍ അംബാസിഡര്‍ രംഗത്തുവന്നത്.

'ഇപ്പോള്‍ അതിര്‍ത്തിയിലുണ്ടായിട്ടുളള പ്രശ്നം അവസാനിക്കാന്‍ ഒരു മാര്‍ഗം മാത്രമെ ബാക്കിയുള്ളു. നിലവിലുള്ള സ്ഥിതി ബലം പ്രയോഗിച്ച് മാറ്റാന്‍ ശ്രമിച്ചിട്ട് കാര്യമില്ലെന്ന് ചൈന മനസ്സിലാക്കുകയെന്നതാണ് അത്' അംബാസിഡര്‍ വിക്രം മിസ്രി പറഞ്ഞു.

ചൈനയുടെ നീക്കങ്ങള്‍ പരസ്പര വിശ്വാസത്തെ വലിയ രീതിയില്‍ അപകടകത്തില്‍പെടുത്തിയെന്ന് അദ്ദേഹം പറഞ്ഞു. ' ഇന്ത്യയുമായുള്ള ബന്ധത്തെക്കുറിച്ച് പരിശോധിക്കുകയും അത് ഏത് രീതിയില്‍ മുന്നോട്ട് പോകണമെന്ന് തീരുമാനിക്കുകയും ചെയ്യേണ്ടത് ചൈനയാണ്' അദ്ദേഹം മുന്നറിയിപ്പ് നല്‍കി.
ഉഭയകക്ഷി ബന്ധം മെച്ചപ്പെടുത്തുന്നതിന് ചൈനയുടെ ഭാഗത്തുനിന്ന് ഇടപെടലുകള്‍ അത്യാവിശ്യമാണെന്ന് അദ്ദേഹം പറഞ്ഞു. ' ഞങ്ങളുടെ അഭിപ്രായത്തില്‍ ഇപ്പോഴത്തെ പ്രശ്നം പരിഹരിക്കുന്നതിനുള്ള ഉത്തരം വളരെ വ്യക്താണ്. അതിര്‍ത്തിയില്‍ ഇന്ത്യയുടെ പെട്രോളിങ്ങിനുള്‍പ്പെടെ ചൈന പ്രശ്ന്ങ്ങള്‍ സൃഷ്ടിക്കരുത്'

ഞങ്ങള്‍ നിയന്ത്രണ രേഖയുടെ ഉള്ളില്‍നിന്നാണ് എല്ലാ കാര്യങ്ങളും ചെയ്തുപോന്നത്. അതുകൊണ്ട് നിയന്ത്രണ രേഖയില്‍ മാറ്റങ്ങള്‍ വരുത്താനുള്ള നീക്കങ്ങള്‍ ചൈനയും അവസാനി്പ്പിക്കുകയാണ് വേണ്ടത്. ഗാല്‍വാന്‍ താഴ് വരയില്‍ ഉള്‍പ്പെടെ നിയന്ത്രണ രേഖയുടെ കിടപ്പ് എങ്ങനെയാണെന്നത് ഇന്ത്യയ്ക്ക വ്യക്തമായി അറിയാം. ഈ മേഖലയില്‍ ഞങ്ങളുടെ സൈന്യം ഇക്കാലമത്രയും യാതൊരു പ്രശ്നവുമില്ലാതെ പെട്രോളിംങ് നടത്തി കൊണ്ടിരുന്നതാണ്.'അംബാസിഡര്‍ പറഞ്ഞു. അതിനെയാണ് ചൈന തടസ്സപ്പെടുത്തുന്നത്.
ഇപ്പോഴുണ്ടായിട്ടുള്ള എല്ലാ പ്രശ്നങ്ങള്‍ക്കും കാരണം ചൈനയുടെ നീക്കങ്ങളാണെന്നാണ് ഇന്ത്യയുടെ നിലപാടെന്നും അദ്ദേഹം പറഞ്ഞു.
ഏപ്രില്‍ മെയ് മാസങ്ങളില്‍ ലഡാക്ക് മേഖലയിലെ നിയന്ത്രണ രേഖയ്ക്ക് സമീപം, ഇന്ത്യന്‍ പെട്രോളിംങ് സാധാരണ പോലെ നടത്തുന്നതിന് ചൈന തടസ്സം സൃഷ്ടിക്കുകയാണ് ചെയ്തതെന്നും അദ്ദേഹം പറഞ്ഞു.
ഇന്ത്യയും ചൈനയും തമ്മിലുള്ള ഉഭയകക്ഷി ബന്ധം മെച്ചപ്പെടുകയെന്നത് ഇന്ത്യയ്ക്ക് മാത്രമല്ല, മറിച്ച് മേഖലയിലെ സമാധാനത്തിനും വളരെ പ്രധാനപ്പെട്ടതാണ്. അതുകൊണ്ട് തന്നെ നിയന്ത്രണ രേഖയില്‍ എന്തെങ്കിലും മാറ്റം ഉണ്ടാക്കിയത് കൊണ്ട് പ്രയോജനമുണ്ടാകില്ലെന്ന തിരിച്ചറിവ് ചൈനയ്ക്ക് ഉണ്ടാകണമെന്നും ഇന്ത്യയുടെ ചൈന പ്രതിനിധി പറഞ്ഞു. ഇക്കാര്യം ചൈനയ്ക്ക് ബോധ്യപ്പെടുമെന്നാണ് പ്രതീക്ഷയെന്നും ഇന്ത്യന്‍ അംബാസിഡര്‍ പറഞ്ഞു. ഗാല്‍വാന്‍ മേഖലയില്‍ അവകാശവാദമുന്നിയിക്കുക തുടങ്ങിയ കാര്യങ്ങള്‍ ചെയ്യുന്നത് കൊണ്ട് ഒരു പ്രയോജനവുമില്ലെന്നും അദ്ദേഹം ചൈനയോട് പറഞ്ഞു.
കഴിഞ്ഞ ദിവസം പിടിഐയ്ക്ക് നല്‍കിയ അഭിമുഖത്തില്‍ ഗാല്‍വാന്‍ മേഖലയുടെ മേല്‍ ഇന്ത്യയിലെ ചൈനീസ് അംബാസിഡര്‍ അവകാശവാദം ഉന്നയിച്ചിരുന്നു.