വിദേശികളുടെ എണ്ണം കുറയ്ക്കാന് കുവൈത്തില് നിയമം വരുന്നു
കുവൈത്തിലുള്ള 20 ലക്ഷത്തിലേറെ വിദേശികളുടെ എണ്ണം കുറയ്ക്കാന് ലക്ഷ്യമിട്ടുകൊണ്ട് കുവൈത്ത് നിയമനിര്മാണ സമിതി അംഗീകരിച്ച റസിഡന്സി നിയമഭേദഗതി 2 ആഴ്ചയ്ക്കകം പാര്ലമെന്റില് അവതരിപ്പിക്കും.
ജനസംഖ്യയില് 70% ഉള്ള പ്രവാസികളുടെ (32 ലക്ഷം) സാന്നിധ്യം 30% ആക്കാനാണു നീക്കം. ഇന്ത്യക്കാരെയാകും കരട് ബില് നിയമമായാല് ഏറ്റവും കൂടുതല് ബാധിക്കുന്നത്. ബില്ലിലെ വ്യവസ്ഥ പ്രകാരം കുവൈത്ത് ജനസംഖ്യയുടെ (13 ലക്ഷം) 15% അതായത് 1.95 ലക്ഷം ഇന്ത്യക്കാര്ക്കു മാത്രമേ രാജ്യത്തു തുടരാന് അനുമതിയുണ്ടാകൂ. ഇതോടെ നിലവിലെ കണക്കനുസരിച്ച് മലയാളികളടക്കം 8,34,861 ഇന്ത്യക്കാര് രാജ്യം വിടേണ്ടിവരും. കേന്ദ്ര സര്ക്കാരിന്റെ കണക്കനുസരിച്ചു നിലവില് കുവൈത്തില് 10,29,861 ഇന്ത്യക്കാരാണുള്ളത്.
ഈജിപ്ത്, ഫിലിപ്പീന്സ് (10% വീതം), ശ്രീലങ്ക (5%), ബംഗ്ലദേശ്, നേപ്പാള്, പാക്കിസ്ഥാന്, വിയറ്റ്നാം (3% വീതം) എന്നീ രാജ്യക്കാരുടെ എണ്ണം കുറയ്ക്കാനും നിര്ദേശമുണ്ട്.
നിയമനിര്മാണ സമിതി അംഗീകരിച്ചെങ്കിലും പാര്ലമെന്റ് തിടുക്കത്തില് ബില് അംഗീകരിക്കണമെന്നില്ല. പ്രവാസികളില് വിദ്യാഭ്യാസം കുറഞ്ഞ 13 ലക്ഷത്തോളം പേരെയാകും ആദ്യം ഒഴിവാക്കുക. ഘട്ടം ഘട്ടമായി പ്രവാസികളുടെ എണ്ണം കുറയ്ക്കുമെന്നാണു പാര്ലമെന്റ് സ്പീക്കര് മര്സൂഖ് അല് ഘാനിം പറഞ്ഞത്.
https://www.facebook.com/Malayalivartha