പറഞ്ഞതുതന്നെ ചെയ്തു; അമേരിക്ക ലോകാരോഗ്യ സംഘടനയില് നിന്നും പുറത്തേക്ക്; ചൈനക്ക് പിന്തുണച്ച ലോകാരോഗ്യ സംഘടനക്ക് കിട്ടിയത് എട്ടിന്റെ പണി
ലോകാരോഗ്യ സംഘടനയില് നിന്നും പുറത്തു പോകാന് തന്നെ അവസാനം അമേരിക്ക തീരുമാനിച്ചു. ഇത് സംബന്ധിച്ചുള്ള ഔദ്യോഗിക തിരുമാനം ഐക്യരാഷ്ട്രസഭാ സെക്രട്ടറി ജനറല് അന്റോണിയോ ഗുട്ടറസിന് സമര്പ്പിച്ചതായിയായി അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തു.
കോവിഡ് ബാധിതരുടെ എണ്ണം കുതിച്ചുയരുന്ന സാഹചര്യത്തില് തന്നെയാണ് അമേരിക്കയുടെ പിന്മാറ്റമെന്നതും ശ്രദ്ധേയമാണ്. ഇതോടെ അമേരിക്ക നല്കിയിരുന്ന സാമ്പത്തിക സഹായം ഇനി ലോകാരോഗ്യ സംഘടനക്ക് ലഭിക്കില്ല. ലോകാരോഗ്യ സംഘടന കോവിഡ് നിയന്ത്രണത്തില് പരാജയമാണെന്നും വൈറസ് വ്യാപനത്തെ കുറിച്ച് കൃത്യമായ വിവരങ്ങള് രാജ്യങ്ങള്ക്ക് നല്കിയില്ലെന്നും ചൈനയെ ന്യായികരിക്കാന് ശ്രമിക്കുന്ന സംഘടന ചൈനയുടെ വിഴ്ച സമ്മതിക്കാന് തയാറാകുന്നില്ലെന്നും അമേരിക്കന് പ്രസിഡന്റ് ട്രംപ് മുമ്പേ തന്നെ ആരോപിച്ചിരുന്നു. ഈ സാഹചര്യത്തില് ലോകാരോഗ്യ സംഘടനയില് നിന്നും പുറത്തു പോകുമെന്നും സംഘടന നല്കുന്ന സംഭാവന വെറുതെയാണെന്നുമെല്ലാം ട്രംപ് പറഞ്ഞിരുന്നു. ഇതിന്റെ കൂടി അടിസ്ഥാനത്തിലാണ് പുറത്തു പോക്ക്. ഇത് ചൈനയോടുള്ള ട്രംപിന്റെ വിരോധം കാരണമെന്നാണ് വിലയിരുത്തപ്പെടുന്നത്. അങ്ങനെയെങ്കില് ചൈന വീണ്ടും ലോക രാഷ്ട്രങ്ങള്ക്കിടയില് ഒറ്റപ്പെടും.
അമേരിക്കയുടെ പിന്വാങ്ങല് 2021 ജൂലൈ ആറിന് മാത്രമേ പ്രബല്യത്തില് വരുകയുള്ളുവെന്ന് സി.ബി.എസ് റിപ്പോര്ട്ട് ചെയ്യുമ്പോള് തിങ്കളാഴ്ച്ച മുതല് പിന്വാങ്ങല് പ്രാബല്യത്തില് വരുമെന്ന് ദി ഹില്ലും റിപ്പോര്ട്ട് ചെയ്ന്നുണ്ട്. അമേരിക്ക ലോകാരോഗ്യ സംഘടനയില് നിന്ന് ഔദ്യോഗികമായി പിന്വാങ്ങിയതായുള്ള അറിയിപ്പ് കോണ്ഗ്രസിന് ലഭിച്ചതായി ഡെമോക്രാറ്റിക് പാര്ട്ടിയുടെ സെനറ്ററായ ബോബ് മെനന്ഡസ് ട്വീറ്റ് ചെയ്തിട്ടുണ്ട്. അമേരിക്കയില് ഇതിനോടകം കോവിഡ് ബാധിച്ച് 1,30,800 പേര് മരിച്ചിട്ടുണ്ട്. കാര്യങ്ങളില് പുരോഗതി ഉണ്ടായില്ലെങ്കില് ലോകാരോഗ്യ സംഘടനയ്ക്ക യു.എസ് നല്കി വരുന്ന സാമ്പത്തിക സഹായം മെയ് മാസത്തില് മരവിപ്പിക്കുമെന്ന ട്രംപിന്റെ ഭീഷണിപ്പെടുത്തലാണ് ഇപ്പോള് കാര്യമായിരിക്കുന്നത്.
https://www.facebook.com/Malayalivartha