തനിക്ക് തെറ്റുപറ്റിയെന്ന് യുവാവ് .. കൊറോണ വൈറസ് വെറും തമാശയ്ക്കായുള്ള തട്ടിപ്പാണെന്ന് കരുതി കോവിഡ് പാര്ട്ടിക്ക് പോയ അമേരിക്കന് യുവാവ് മരിച്ചു
കൊറോണ വൈറസ് വെറും തമാശയ്ക്കായുള്ള തട്ടിപ്പാണെന്ന് കരുതി കോവിഡ് പാര്ട്ടിക്ക് പോയ അമേരിക്കന് യുവാവ് മരിച്ചു. യുഎസ്സിലെ ടെക്സാസ് സ്വദേശിയായ 30കാരനാണ് ഒരു കോവിഡ് രോഗി സംഘടിപ്പിച്ച പാര്ട്ടിക്ക് പോയത്. വൈറസ് ബാധിച്ചവര് കോവിഡ് 19 പാര്ട്ടി നടത്തി, സുഹൃത്തുക്കളെ ക്ഷണിച്ച് അവര്ക്ക് വൈറസിനെ തോല്പ്പിക്കാന് പറ്റുമോ എന്ന് പരീക്ഷിക്കുന്ന പരിപാടി യുഎസ്സില് വ്യാപകമായിട്ടുണ്ട് എന്ന് സാന് അന്റോണിയോയിലെ മെത്തേഡിസ്റ്റ് ഹോസ്പിറ്റലില് ചീഫ് മെഡിക്കല് ഓഫീസറായ ജേന് ആപ്പിള്ബി, പറഞ്ഞു. 1,37,000ലധികം പേര് കോവിഡ് മൂലം യുഎസ്സില് മരിച്ചുകഴിഞ്ഞു.
തനിക്ക് തെറ്റുപറ്റി എന്ന് .യുവാവ് നഴ്സിനോട് പറഞ്ഞിരുന്നതായി ചീഫ് മെഡിക്കല് ഓഫീസര് പറഞ്ഞു. താന് ചെറുപ്പമായതുകൊണ്ട് തന്നെ ഇതൊന്നും ബാധിക്കില്ലെന്നാണ് യുവാവ് ധരിച്ചുവച്ചിരുന്നത്. പല യുവാക്കളും അവര്ക്ക് രോഗം ബാധിച്ചതായി അറിയാറില്ല. എന്നാല് ഓക്സിജന് ലെവല് നോക്കുകയും ലാബ് ടെസ്റ്റ് നടത്തുകയും ചെയ്യുമ്പോള് രോഗം ബാധിച്ചതായി അറിയാം.കോവിഡ് പോസിറ്റീവ് സ്ഥിരീകരിച്ചയാളാണ് ഇതൊക്കെ തട്ടിപ്പാണെന്ന് പരിഹസിച്ചുകൊണ്ട് കോവിഡ് പാര്ട്ടി നടത്തിയതെന്നും പങ്കെടുത്ത ശേഷം മരിച്ചയാളും ഇതേ ചിന്താഗതിക്കാരനായിരുന്നുവെന്നും സാന് ആന്റോണിയോയിലെ മെത്തഡിസ്റ്റ് ആശുപത്രി ചീഫ് മെഡിക്കല് ഓഫീസര് ജേന് ആപ്പിള്ബി പറഞ്ഞു.
ലോകത്ത് ഏറ്റവുമധികം കോവിഡ് കേസുകളും മരണവും റിപ്പോര്ട്ട് ചെയ്ത യുഎസ്സില് സ്ഥിതിഗതികള് അതീവഗുരുതരമായി തുടരുകയാണ്. 1,37,782 പേരാണ് യുഎസ്സില് ഇതുവരെ കോവിഡ് മൂലം മരിച്ചത്. 34,13,995 പേര്ക്ക് ഇതുവരെ കോവിഡ് സ്ഥിരീകരിച്ചു. ഫ്ളോറിഡയില് കോവിഡ് കേസുകള് വലിയ തോതില് വര്ദ്ധിച്ചു. എന്നാല് ഇതിനിടയിലും സ്കൂളുകള് തുറക്കണമെന്ന നിലപാടിലാണ് ട്രംപ് ഗവണ്മെന്റ്.മാര്ച്ചില് കോവിഡ് മരണം റിപ്പോര്ട്ട് ചെയ്തു തുടങ്ങിയ അമേരിക്കയില് ഏപ്രിലില് മൂര്ധന്യഘട്ടത്തില് എത്തിയശേഷം കുറഞ്ഞതായിരുന്നു. എന്നാല്, ഇപ്പോള് രോഗവ്യാപനവും മരണവും വീണ്ടും കുതിച്ചുയരുകയാണ്. ശനിയാഴ്ചയും 732 മരണം റിപ്പോര്ട്ട് ചെയ്തു. ഇതിനകം 34 ലക്ഷത്തില്പ്പരം ആളുകള്ക്ക് രോഗം സ്ഥിരീകരിച്ച അമേരിക്കയില് മരണസംഖ്യ 1.38 ലക്ഷം കടന്നു. 50ല് 27 സംസ്ഥാനത്തും മരണസംഖ്യ വര്ധിക്കുകയാണ്.
https://www.facebook.com/Malayalivartha