മൂന്നാമത്തെ ടെസ്റ്റിലും ബ്രസീല്‍ പ്രസിഡന്റിന് കോവിഡ് പോസിറ്റീവ്..്. ജൂലൈ 7നാണ് ബൊല്‍സനാരോയ്ക്ക് കോവിഡ് ആദ്യമായി സ്ഥിരീകരിച്ചത്. പിന്നീട് നടത്തിയ തുടര്‍ ടെസ്റ്റുകളിലും അദ്ദേഹം പോസിറ്റീവ് ആയി തുടരുകയാണ്. ഇതോടെ രണ്ടാഴ്ചത്തേക്കു കൂടി അദ്ദേഹം ക്വാറന്റീനില്‍ തുടരും.നേരിയ രോഗലക്ഷണങ്ങളുള്ളവര്‍ക്ക് രോഗം ഭേദമാകാന്‍ സാധാരണ രണ്ടാഴ്ചയാണ് എടുക്കാറുള്ളത്.

നിലവില്‍ മുഖാമുഖമുള്ള കൂടിക്കാഴ്ചകള്‍ ഒഴിവാക്കി വീഡിയോ കോണ്‍ഫറന്‍സിങ് വഴിയാണ് ബൊല്‍സനാരോ യോഗങ്ങളും വാര്‍ത്താസമ്മേളനവും നടത്തുന്നത്.ബൊല്‍സനാരോയുടെ കാബിനറ്റിലെ നാലംഗങ്ങള്‍ക്ക് ഇതിനോടകം കോവിഡ് സ്ഥിരീകരിച്ചിട്ടുണ്ട്. ചെറിയൊരു ഫ്‌ളൂ മാത്രമാണെന്ന തരത്തില്‍ ഇത്രനാളും കോവിഡിനെ നിസ്സാരവത്കരിക്കുകയായിരുന്നു ബൊല്‍സനാരോ. പലപ്പോഴും ആള്‍ക്കൂട്ടങ്ങള്‍ക്കിടയില്‍ മാസ്‌ക് പോലും ധരിക്കാതെ അദ്ദേഹം പ്രത്യക്ഷപ്പെട്ടു. ഈയടുത്താണ് മാസ്‌ക് ധരിച്ച് തുടങ്ങിയത്. ഇതുവരെ ബ്രസീലില്‍ 22.27 ലക്ഷം പേര്‍ക്കാണ് കോവിഡ് സ്ഥിരീകരിച്ചത്.