കൊറോണയെ തുരത്താന് ഒക്ടോബര് മുതല് ജനങ്ങള്ക്ക് വാക്സിന് നല്കാന് റഷ്യ ഒരുങ്ങുന്നതായി റിപ്പോര്ട്ട്
കൊറോണയെ തുരത്താന് ഒക്ടോബര് മുതല് രാജ്യവ്യാപകമായി വാക്സിനേഷന് തുടങ്ങാ റഷ്യ ഒരുങ്ങുന്നതായി റിപ്പോര്ട്ട്്. റഷ്യന് ആരോഗ്യമന്ത്രി മിഖായില് മുറാഷ്കോയാണ് റഷ്യന് മാദ്ധ്യമങ്ങളോട് ഇക്കാര്യം വെളിപ്പെടുത്തിയത്. രാജ്യത്തെ ഡോക്ടര്മാര്ക്കും അദ്ധ്യാപകര്ക്കുമാണ് ആദ്യം വാക്സിന് നല്കുകയെന്ന് മന്ത്രി പറഞ്ഞു. റഷ്യയുടെ ആദ്യ കൊവിഡ് വാക്സിന് ഈ മാസം തന്നെ അംഗീകാരം ലഭിക്കുമെന്നാണ് റിപ്പോര്ട്ട്.
അതേസമയം, റഷ്യയുടെ ധ്രുത ഗതിയിലുള്ള നടപടികളില് ലോകമെമ്ബാടുമുള്ള ആരോഗ്യ വിദഗ്ദ്ധര് ആശങ്ക പ്രകടിപ്പിക്കുന്നുണ്ട്. അമേരിക്കന് പകര്ച്ചവ്യാധി വിദഗ്ദ്ധനായ ഡോ. ആന്റണി ഫൗചിയും ഇക്കാര്യം ചൂണ്ടിക്കാട്ടിയിരുന്നു. ചൈനയും റഷ്യയും വാക്സിനുകള് പരീക്ഷിച്ച് കൊണ്ടിരിക്കുകയാണെന്നും സുരക്ഷിതമാണെന്ന് ഉറപ്പാക്കുന്നതിന് മുമ്ബ് മനുഷ്യരില് പ്രയോഗിക്കുന്നതില് ആശങ്കയുണ്ടെന്നും ഫൗചി പറഞ്ഞിരുന്നു. യു.എസിന്റെ കൊവിഡ് വാക്സിന് സിരക്ഷിതവും ഫലപ്രദവുമാണെന്നും ഈ വര്ഷം അവസാനത്തോടെ അത് പുറത്തിറക്കുമെന്നും ഫൗചി പറഞ്ഞു. യു.എസിന് മുമ്ബ് ആരും സുരക്ഷിതമായൊരു വാക്സിന് കണ്ടെത്തുമെന്നോ അതിനെ യു.എസിന് ആശ്രയിക്കേണ്ടി വരുമെന്നോ കരുതുന്നില്ലെന്നും ഫൗചി വ്യക്തമാക്കിയിരുന്നു.കൊവിഡ് 19നെതിരെയുള്ള വാക്സിന് കണ്ടെത്തുന്നതിനായി ലോകമെമ്ബാടുമുള്ള ഗവേഷകര് കഠിന പരിശ്രമത്തിലാണ്. ഏകദേശം 20 ലേറെ വാക്സിനുകള് നിലവില് ക്ലിനിക്കല് ട്രയലുകളിലാണ്.
https://www.facebook.com/Malayalivartha
