മൈനസ് 41 ഡിഗ്രിയിൽ നിമിഷങ്ങൾക്കകം മരവിക്കും; പ്രവാസികൾ തണുത്ത് വിറച്ച് മരിച്ചു! ലോകത്തെ നടുക്കി വീണ്ടും ആ ദയനീയ കാഴ്ച് , യുഎസ്-കാനഡ അതിര്ത്തിയില് പിഞ്ച് കുഞ്ഞടക്കം നാല് ഇന്ത്യക്കാര് തണുത്ത് മരിച്ചു!
വീണ്ടും ലോകത്തെ ആശങ്കയിലാഴ്ത്തി ഒരു വാർത്ത പുറത്ത് വരുകയാണ്. യുഎസ്-കാനഡ അതിര്ത്തിയില് പിഞ്ച് കുഞ്ഞടക്കം നാല് ഇന്ത്യക്കാര് തണുത്ത് മരിച്ചതായി റിപ്പോർട്ട്. അമേരിക്കയിലേക്ക് അനധികൃതമായി കടക്കാന് ശ്രമിക്കുമ്പോഴായിരുന്നു ഇത്തരത്തിൽ ദുരന്തം സംഭവിച്ചിരിക്കുന്നത്.
സംഘത്തിലെ മറ്റ് ഏഴ് പേരെ അവശനിലയില് കനേഡിയന് പൊലീസ് രക്ഷിച്ചതായും റിപ്പോർട്ടുകൾ ചൂണ്ടിക്കാണിക്കുന്നു. ഇവരെ അമേരിക്കയിലേക്ക് കടത്താന് ശ്രമിച്ചയാളെ അറസ്റ്റ് ചെയ്തു. മഞ്ഞില് പുതഞ്ഞ നിലയില് മാനിറ്റോബ റോയല് കനേഡിയന് മൗണ്ടഡ് പൊലീസാണ് മൃതദേഹങ്ങള് കണ്ടെടുത്തത്.
അതോടൊപ്പം തന്നെ അമേരിക്കന് അതിര്ത്തിയില് നിന്ന് വെറും 12 മീറ്റര് മാത്രം അകലെയായിരുന്നു മൃതദേഹങ്ങള് കണ്ടെത്തിയത്. മരിച്ചവരുടെ വിവരങ്ങള് അറിയാനുള്ള അന്വേഷണം ആരംഭിച്ചതായും പൊലീസ് പറയുകയുണ്ടായി. കനത്ത തണുപ്പിനെ തുടർന്നാണ് മരണം സംഭവിച്ചിരുന്നത്. ഒരു സംഘം പേർ അതിർത്തി കടക്കാനുള്ള ശ്രമം നടത്തുന്നുവെന്ന വിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് മൃതദേഹം കണ്ടെത്തിയിരിക്കുന്നത്.
അതേസമയം കാനഡ അതിര്ത്തിക്കുള്ളിലാണ് മൃതദേഹങ്ങള് കണ്ടെത്തിയത്. ബുധനാഴ്ചയാണ് മൃതദേഹങ്ങള് കണ്ടെടുത്തതെന്ന് പൊലീസ് ചൂണ്ടിക്കാണിക്കുന്നത്. ഞെട്ടിക്കുന്ന വാര്ത്തയെന്ന് വിദേശകാര്യ മന്ത്രി ഡോ. എസ് ജയ്ശങ്കര് പ്രതികരിക്കുകയുണ്ടായി. അടിയന്തിര ഇടപെടല് നടത്താന് കാനഡയിലെ ഇന്ത്യന് നയതന്ത്ര കാര്യാലയത്തിന് നിര്ദേശം നല്കി. ഇന്ത്യന് സംഘം അപകട സ്ഥലത്തേയ്ക്ക് പോകുമെന്ന് കാനഡയിലെ ഇന്ത്യന് ഹൈക്കമ്മീഷണര് അജയ് ബിസാരിയ അറിയിച്ചു. രണ്ട് മുതിര്ന്നവരും ഒരു കൗമാരക്കാരനും പിഞ്ചുകുഞ്ഞുമാണ് മരിച്ചത്. ഇവര് ഒരു കുടുംബത്തിലുള്ളവരാണെന്നും പൊലീസ് അറിയിച്ചത്.
https://www.facebook.com/Malayalivartha
