ഭൂമിയോളം വലിപ്പമുള്ളതും ചൊവ്വയ്ക്ക് സമാനമായ അവസ്ഥകളുള്ളതുമായ, ഏകദേശം 146 പ്രകാശവർഷം അകലെ വാസയോഗ്യമായ ഒരു പുതിയ ഗ്രഹം ജ്യോതിശാസ്ത്രജ്ഞർ കണ്ടെത്തി.HD 137010 b എന്ന് പേരിട്ടിരിക്കുന്ന ഈ ഗ്രഹം സൂര്യനെപ്പോലെയുള്ള ഒരു നക്ഷത്രത്തെ ചുറ്റുന്നു, ഭൂമിയേക്കാൾ 6% വലുതാണ് ഇത് എന്ന് കണക്കാക്കപ്പെടുന്നു.നാസ കെപ്ലർ ബഹിരാകാശ ദൂരദർശിനിയുടെ കെ2 എന്നറിയപ്പെടുന്ന വിപുലീകൃത ദൗത്യം 2017 ൽ പകർത്തിയ ഡാറ്റ ഉപയോഗിച്ച് ഓസ്‌ട്രേലിയ, യുകെ, യുഎസ്, ഡെൻമാർക്ക് എന്നിവിടങ്ങളിലെ ഒരു അന്താരാഷ്ട്ര ശാസ്ത്രജ്ഞരുടെ സംഘം ഈ ഗ്രഹത്തെ തിരിച്ചറിഞ്ഞു.

ഭൂമിയുടേതിന് സമാനമായ ഒരു ഭ്രമണപഥമാണ് ഈ ഗ്രഹത്തിനുള്ളതെന്ന് ഓസ്‌ട്രേലിയയിലെ സതേൺ ക്വീൻസ്‌ലാൻഡ് സർവകലാശാലയിലെ (യുഎസ്‌ക്യു) ഗവേഷകയായ ഡോ. ചെൽസി ഹുവാങ് പറഞ്ഞു, ഏകദേശം 355 ദിവസത്തെ ഭ്രമണപഥമാണ് ഈ ഗ്രഹത്തിനുള്ളത്.ഈ ഗ്രഹം പൂര്‍ണ്ണമായും വാസയോഗ്യമായ മേഖലയ്ക്ക് അപ്പുറത്തേക്ക് എത്താനുള്ള സാധ്യത ഏകദേശം 50-50 ആണ്' എന്ന് വിദഗ്ധര്‍ മുന്നറിയിപ്പ് നല്‍കി. ഗ്രഹം വാസയോഗ്യമാണോ അല്ലയോ എന്ന് സ്ഥിരീകരിക്കുന്നതിന്, ഗവേഷകര്‍ ഇപ്പോള്‍ തുടര്‍ നിരീക്ഷണങ്ങള്‍ നടത്തും. എന്നാല്‍ ഇത് 'ബുദ്ധിമുട്ടുള്ള' കാര്യമാണെന്നാണ് അവര്‍ സമ്മതിക്കുന്നത്.

ഈ ഗ്രഹത്തെ കുറിച്ചുള്ള കൂടുതല്‍ വിശദാംശങ്ങള്‍ ലഭിക്കാന്‍ അടുത്ത തലമുറ ദൂരദര്‍ശിനി തന്നെ ആവശ്യമായി വരുമെന്നാണ് നാസ വിശദീകരിക്കുന്നത്. 2017 ഫെബ്രുവരിയില്‍ ജ്യോതിശാസ്ത്രജ്ഞര്‍ 39 പ്രകാശവര്‍ഷം അകലെ ജീവന്‍ നിലനിര്‍ത്താന്‍ കഴിയുന്ന ഗ്രഹങ്ങളുള്ള ഒരു നക്ഷത്രവ്യവസ്ഥയെ കണ്ടെത്തിയതായി പ്രഖ്യാപിച്ചു. 'ട്രാപ്പിസ്റ്റ്-1' എന്ന കുള്ളന്‍ നക്ഷത്രത്തെ ചുറ്റുന്ന ഭൂമിയുടേതുപോലുള്ള ഏഴ് ഗ്രഹങ്ങളെ കണ്ടെത്തി, അവയിലെല്ലാം ജീവന്റെ പ്രധാന ഘടകങ്ങളിലൊന്നായ ജലം ഉണ്ടാകാം.ഇതിലെ മൂന്ന് ഗ്രഹങ്ങള്‍ക്ക് വളരെ നല്ല സാഹചര്യങ്ങളുണ്ട്. അവയില്‍ ജീവന്‍ ഇതിനകം പരിണമിച്ചിട്ടുണ്ടാകാമെന്ന് ശാസ്ത്രജ്ഞര്‍ പറയുന്നു.

ഒരു ദശാബ്ദത്തിനുള്ളില്‍ ഏതെങ്കിലും ഗ്രഹങ്ങളില്‍ ജീവന്‍ ഉണ്ടോ ഇല്ലയോ എന്ന് തങ്ങള്‍ക്ക് അറിയാന്‍ കഴിയുമെന്ന്് ഗവേഷകര്‍ അവകാശപ്പെട്ടിരുന്നു. 'ഇത് ഒരു തുടക്കം മാത്രമാണ് എന്നാണ് അവര്‍ അന്ന് വിശദീകരിച്ചത്.