വയറു വേദനയെ തുടര്‍ന്നു ആശുപത്രിയില്‍ പ്രവേശിപ്പിച്ച പതിനഞ്ചു വയസുകാരന്റെ വയറ്റില്‍ കുഞ്ഞിനെ കണ്ടെത്തി. മലേഷ്യയില്‍ പതിനഞ്ചു വയസുകാരനായ മൊഹമ്മദ് സുല്‍ ഷാഹ്‌റില്‍ സെയ്ദീന്‍ എന്ന ആണ്‍കുട്ടിയുടെ വയറ്റില്‍ നിന്നുമാണ് പൂര്‍ണ വളര്‍ച്ചയെത്താത്ത ഭ്രൂണത്തെ കണ്ടെടുത്തത്.
നാല് മാസം മുന്‍പാണ് ഷാഹ്‌റിലിനു വയറു വേദന അനുഭവപ്പെട്ടു തുടങ്ങിയത്. നിരന്തരമായ വയറു വേദനെയെ തുടര്‍ന്ന് നടത്തിയ വിശതമായ പരിശോധനയിലാണ് വയറ്റില്‍ ഭ്രൂണം വളരുന്നത് കണ്ടെത്തിയത്. ഷാഹ്‌റില്‍ ജനിച്ചപ്പോള്‍ മുതല്‍ ഭ്രൂണവും കൂടെയുണ്ട്, അതായത് ഭ്രൂണത്തിനുള്ളില്‍ ഭ്രൂണം ഇരിക്കുന്ന അവസ്ഥ. മുടിയും കൈകാലുകളും ജനനേന്ദ്രിയവുമെല്ലാം ഉള്ള ഭ്രൂണത്തിനു മൂക്കും വായും മാത്രമായിരുന്നു അപൂര്‍ണമായിരുന്നത്. കുഞ്ഞുങ്ങള്‍ മരിച്ചാല്‍ സ്വീകരിക്കുന്ന എല്ലാ ആചാരങ്ങളോടും കൂടിയാണ് ഭ്രൂണത്തെ സംസ്‌കരിച്ചതെന്ന് ഷാഹ്‌റിലിന്റെ മാതാവ് ഹസ്മാ അഹമ്മദ് പറഞ്ഞു. ഹസ്മയുടെ എട്ടു മക്കളില്‍ അ!ഞ്ചാമനാണ് ഷാഹ്‌റില്‍.
ഇരട്ടക്കുട്ടികളെ ഗര്‍ഭം ധരിക്കുന്ന അവസരങ്ങളിലാണ് ഇത്തരം പ്രതിഭാസം ഉണ്ടാകുന്നത്. രു ഭ്രൂണം അടുത്ത ഭ്രൂണത്തെ മൂടുകയാണിവിടെ. ഇത്തരം സാഹചര്യങ്ങളില്‍ വലിയ ഭ്രൂണത്തെ ആശ്രയിച്ചു നിലകൊള്ളുന്ന ഭ്രൂണം ജനനത്തിനു മുമ്പേ മരിക്കുകയാണു ചെയ്യുന്നത്. അഞ്ചുലക്ഷത്തില്‍ ഒരാള്‍ക്കു മാത്രം സംഭവിക്കുന്ന അവസ്ഥയാണ് ഇതെന്നും മലേഷ്യയില്‍ ഇത് ആദ്യത്തെ അനുഭവമാണെന്നു ഡോകടര്‍മാര്‍ പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌  ബുക്ക്‌Likeചെയ്യുക

https://www.facebook.com/Malayalivartha