നാലുവയസ്സുകാരന് ഗൊറില്ലയുടെ കൂട്ടില് വീണു; കുട്ടിയെ ആക്രമിക്കാന് ശ്രമിച്ച ഗൊറില്ലയെ വെടിവെച്ച് കൊന്നു
അമേരിക്കയിലെ സിന്സിനാറ്റി മൃഗശാലയില് ഗൊറില്ലയെ പാര്പ്പിച്ചിരിക്കുന്ന വേലിക്കെട്ടിനുള്ളിലെക്ക് വീണ നാല് വയസ്സുകാരനെ രക്ഷിക്കാന് ഗൊറില്ലയെ വെടിവെച്ച് കൊന്നു. ഏകദേശം 180 കിലോഗ്രാം ഭാരമുള്ള 17 വയസ്സുള്ള ഗൊറില്ലയെയാണ് വെടിവെച്ചു കൊന്നതെന്ന് മൃഗശാല ഡയറക്ടര് താനെ മെയ്നാര്ദ് പറഞ്ഞു.
12 അടി താഴ്ചയിലേക്കാണ് കുട്ടി വീണത്. കുഞ്ഞിനെ ഗൊറില്ല ഉപദ്രവിക്കുകയും ചെയ്തു. എങ്ങനെയാണ് കുട്ടി കൂട്ടിനകത്തേക്ക് വീണത് എന്ന കാര്യം പരിശോദിച്ച് വരുകയാണ്. 400 പൗണ്ട് തൂക്കം വരുന്ന ആണ് ഗൊറില്ലയാണ് ഹറാംബെ എന്ന ചത്ത ഗൊറില്ല. കഴിഞ്ഞ ദിവസമാണ് ഹറാംബെയുടെ പിറന്നാള് മൃഗശാല അധികൃതര് ആഘോഷിച്ചത്.
മൃഗശാലയുടെ വേലിക്കെട്ടിനിടയിലൂടെ ഇഴഞ്ഞു നീങ്ങിയ കുട്ടി അപ്രതീക്ഷിതമായി കിടങ്ങിലേക്ക് വീഴുകയായിരുന്നിരിക്കാം എന്നാണ് അധികൃതരുടെ നിഗമനം. ശബ്ദം കേട്ട് ഓടിയെത്തിയ ഗൊറില്ല കുട്ടിയെ വലിച്ചിഴച്ചു കൊണ്ട് കൂട്ടിലേക്ക് കൊണ്ടുപോകുകയായിരുന്നു എന്ന് ദൃക്സാക്ഷികള് പറയുന്നു. ശബ്ദം കേട്ട് മൃഗശാല അധികൃതര് എത്തുകയും ഗൊറില്ലയെ വെടിവെച്ചു കൊല്ലുകയുമായിരുന്നു. 10 മിനിട്ട് നേരത്തെ വെടിവെപ്പിനു ശേഷമാണ് ഗൊറില്ലയെ കൊന്നത്. കുട്ടിയെ നിസ്സാര പരിക്കുകളോടെ അടുത്തുള്ള ആശുപത്രിയില് പ്രവേശിപ്പിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha