നിര്‍ത്താതെ കരഞ്ഞ കുഞ്ഞിന് സ്വന്തം അമ്മ നല്കിയത് ക്രൂരമായ ശിക്ഷ. ഒന്‍പതു ദിവസം മാത്രം പ്രായമുള്ള കുഞ്ഞിനെ അമ്മ ശ്വാസം മുട്ടിച്ചു കൊന്നു. യു.എസ്സിലെ നോര്‍ത്ത് കരോലിനയിലാണ് ഇത്തരത്തിലുള്ള ഒരു ക്രൂരസംഭവം അരങ്ങേറിയത്. മനപ്പൂര്‍വം ചെയ്തതല്ലെന്നും അബദ്ധത്തില്‍ പറ്റിയതാണെന്നും മരിച്ച കുഞ്ഞിന്റെ അമ്മയും പ്രതിയുമായ ആഷിയ മാരി പോലീസിനോട് മൊഴി ചൊല്ലി.

കരച്ചില്‍ നിര്‍ത്താത്തതിനെത്തുടര്‍ന്നു അമ്മ ആഷിയ മാരി പച്ചെക്കോ കുഞ്ഞിനെ ശ്വാസംമുട്ടിച്ചു കൊലപ്പെടുത്തുകയായിരുന്നു എന്ന് പോലീസ് വിശദീകരിക്കുന്നു. മെയ് 20നാണ് ആഷിയയുടെ മകന്‍ ടെയിലര്‍ ജനിച്ചത്. കുട്ടി മരണപ്പെട്ടു എന്ന വിവരം അറിഞ്ഞു പോലീസ് എത്തി. മൂക്കിലും വായിലും പരിക്കേറ്റ നിലയിലായിരുന്നു കുഞ്ഞിന്റെ മൃതദേഹം. പ്രതിയായ കുഞ്ഞിന്റെ അമ്മ ഇപ്പോള്‍ റിമാന്റിലാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha